(عمراسلم) پنجاب کے آئندہ مالی سال کا بجٹ اجلاس، ن لیگ کا سیاسی بساط پر اپوزیشن کو بڑا جھٹکا،پنجاب اسمبلی کا چالیسواں اجلاس منسوخ کر کے اکتالیسواں اجلاس ایوان اقبال میں طلب کر لیا، دو دن تک بجٹ تقریر کے انتظار میں بیٹھی حکومت نے سپیکر کی دعوت گورنر کے نوٹیفیکیشن کا حوالہ دیکر ٹھکرا دی۔
پنجاب اسمبلی کا بجٹ اجلاس سیاسی کھلاڑیوں کے لئے اعصاب شکن ثابت ہوا ،پہلے روذ حکومتی ناکامی کے بعد منگل کے روز آٹھ گھنٹے تک حکومت اجلاس شروع ہونے کا انتظار کرتی رہی۔
گورنر پنجاب نے حالات کو دیکھتے ہوئے اسمبلی کا چالیسواں اجلاس منسوخ کر کے اکتالیسواں اجلاس طلب کیا تو اسمبلی کے افسران سپیکر کو فوری اطلاع دی،سپیکر نے نون لیگ کے سیاسی پینترے کو روکنے کے لئے نوٹیفیکیشن سے لاعلمی کا اظہار کیا۔
قواعد کے مطابق اب سپیکر کل اجلاس نہیں بلوا سکتا کیونکہ گورنر نے 40 ویں اجلاس ختم کر 41 ویں اجلاس ایوان اقبال بلوایا ہے۔
— Amir Raza Khan (@AmirRazakhan042) June 14, 2022
پرویز الٰہی نے اپنی سیاسی ساکھ کو نقصان پہنچایا ہے اولاد کی محبت میں بڑھاپا خراب کر لیا #PunjabAssembly pic.twitter.com/RbgVogZvfw
چالیسواں اجلاس شروع کرواتے ہوئے سپیکر نے حکومتی وزیر اویس لغاری کو بجٹ پیش کرنے کی دعوت دی جس پر اویس لغاری نے بجٹ تقریر کرنے سے معذرت کرتے ہوئے سپیکر کو گورنر پنجاب کے نوٹیفیکیشن بارے آگاہ کیا جس پر حکومتی اراکین ایوان سے باہر چلے گئے
سپیکر چوہدری پرویز الٰہی نے اسمبلی سیکریٹریٹ کے افسران سے مختصر مشاورت کے بعد چالیسواں اجلاس کل دوپہر ایک بجے تک ملتوی کر دیا۔