ویب ڈیسک : نگران وزیرِ اعظم انوار الحق کاکڑ کی وزیرِ اعظم ہاؤس آمد، شہباز شریف نے انوار الحق استقبال کیا.
تفصیلات کے مطابق سبکدوش ہونے والے وزیرِ اعظم محمد شہباز شریف نے نگران وزیرِ اعظم کا استقبال کیا. نگران وزیرِ اعظم انوار الحق کاکڑ نے وزیرِ اعظم آفس کے افسران و عملے سے ملاقات کی۔ ملاقات میں افسران نے نگران وزیرِ اعظم کو اپنا تعارف کروایا.
نگران وزیرِ اعظم اور سبکدوش ہونے والے وزیرِ اعظم کے مابین ملاقات ہوئی. ملاقات میں شہباز شریف نے نگران وزیرِ اعظم انوار الحق کاکڑ کو مبارکباد پیش کی اور نیک خواہشات کا اظہار کیا، نگران وزیرِ اعظم نے شہباز شریف کا شکریہ ادا کیا.
شہباز شریف کو گارڈ آف آنر پیش کیا گیا، جس کے بعد نگران وزیرِ اعظم نے سبکدوش وزیرِ اعظم کو رخصت کیا.
بعد ازاں نگران وزیرِ اعظم انوار الحق کاکڑ کو ٹرائی سروسز کے چاک و چوبند دستے نے گارڈ آف آنر پیش کیا.