فاران یامین:ڈیفنس بی الفلاح ٹاؤن میں کارکی ٹکرسےکمسن بچے عبدالہادی کےجاں بحق ہونےکےواقعہ کی سی سی ٹی وی فوٹیج سٹی 42 نے حاصل کرلی۔

 حادثے کی سی سی ٹی وی فوٹیج  میں واضح طور پر دیکھا جا سکتا ہے کہ گاڑی بچے کے اوپر سے گزر جاتی ہے۔

فوٹیج میں یہ بھی دیکھا گیا کہ حادثے کے بعد کار ڈرائیور بچے کی تشویشناک حالت دیکھ کر موبائل فون پر کسی کو اطلاع دیتا ہے۔

 خیال رہے کہ پولیس نے بروقت کارروائی کرتے ہوئے حادثے کے ذمہ دار ڈرائیور معتصم کو گرفتار کر لیا ہے۔ پولیس کے مطابق ملزم کے خلاف مقدمہ درج کیا جا رہا ہے۔

پولیس حکام کا کہنا ہے کہ واقعے کی مزید تحقیقات جاری ہیں، جبکہ شہریوں سے اپیل کی گئی ہے کہ رہائشی علاقوں میں ڈرائیونگ کے دوران احتیاط برتیں تاکہ ایسے افسوسناک واقعات سے بچا جا سکے۔