سعید احمد سعید : ریلوےہیڈکوارٹر کا ایک اور بند ٹرین کو بحال کرنے کا فیصلہ، خوشحال خان خٹک ایکسپریس 24 اپریل سے چلائی جائے گی۔

تفصیلات کےمطابق خوشحال خان خٹک ایکسپریس 5 سال، 1 ماہ بعد بحال کی جا رہی ہے، کراچی سے پشاور کے درمیان چلانے کے لیے تیاریاں مکمل کرلی گئیں، بوگیوں کی دستیابی کے لیے ورکشاپ حکام کو ہدایات کردی۔
ٹرین کراچی سٹی سے رات 8 بجے پشاور کینٹ سے سہ پہر 4 بجے روانہ ہو گی، ٹرین کراچی سے براستہ کوٹری ،لاڑکانہ ، راجن پور ، بھکر ، میانوالی ، اٹک سے ہوتی ہوئی پشاور پہنچے گی،ریلوے حکام کا کہنا تھا کہ ٹرین بحالی کا مقصد بین الصوبائی رابطوں کو مضبوط بنانا اور مسافروں کو سہولت فراہم کرنا ہے۔