سٹی 42 : وفاقی  وزیرداخلہ  محسن  نقوی نے لوئر دیر کے علاقے  میں 10 بھارتی  سپانسرڈ دہشتگردوں کو جہنم  واصل  کرنے  پر سکیورٹی فورسز  کو  خراجِ  تحسین پیش کیا ہے۔ 

وزیرداخلہ  محسن  نقوی نے دہشتگردوں  کے  خلاف  بہادری  سے لڑتے  ہوئے  شہید  ہونے  والے 7 سکیورٹی  جوانوں  کو  خراج  عقیدت پیش کیا، کہا کہ شہداء  کی  عظیم  قربانیاں  رائیگاں  نہیں  جائیں  گی، شہداء   ہمارا  سرمایہ  افتخار  ہیں۔ انہوں نے کہاکہ سکیورٹی  فورسز  کی لازوال  قربانیوں  کو  قوم  فراموش  نہیں  کر  سکتی۔

 محسن  نقوی  نے کہا کہ شہداء  نے جان پر نچھاور  کرکے 10  بھارتی  سپانسرڈدہشتگردوں کو عبرتناک  انجام  تک  پہنچایا۔ انہوں نے کہاکہ قوم بہادر  سپوتوں  کے شانہ  بشانہ  کھڑی  ہے۔ہماری تمام تر ہمدردیاں  شہداء کے خاندانوں کے ساتھ  ہیں۔