سٹی 42 : جنوبی وزیرستان میں خوارجیوں کے خلاف آپریشن کے دوران جامِ شہادت نوش کرنے والے 12 بہادر جوانوں کی نمازجنازہ ادا کردی گئی۔ 

وزیر اعظم شہباز شریف اور آرمی چیف سید عاصم منیر نے شہداء کی نماز جنازہ میں شرکت کی ۔ 

بعد ازاں کور کمانڈر پشاور نے علاقے کی سکیورٹی صورتحال پر تفصیلاً بریف کیا، دہشت گردوں کے سرغنہ اور سہولت کار افغانستان میں ہیں، ان دہشت گردوں کی پشت پناہی بھارت کر رہا ہے۔

  اس موقع پر وزیراعظم کا کہنا تھاکہ دہشت گردی کا بھرپور جواب جاری رہےگا، اس میں کسی قسم کا کوئی ابہام برداشت نہیں کیا جائے گا۔ انہوں نے کہاکہ افغانستان کو واضح کردیاہےکہ خارجیوں اور پاکستان میں سےایک کا انتخاب کرلیں، پاکستانی قوم دہشت گردی کے معاملے پر سیاست اورگمراہ کن بیانیےکو رد کرتی ہے۔