سٹی 42 : جنوبی پنجاب کے سیلاب متاثرہ علاقوں میں صراطِ مستقیم ویلفیئر ٹرسٹ کی امدادی سرگرمیاں بھرپور انداز میں جاری ہیں۔

تحصیل علی پور، سلطان پور اور مظفرگڑھ کے مختلف علاقوں میں شدید بارشوں اور سیلاب سے سینکڑوں گھر تباہ اور ہزاروں خاندان متاثر ہوئے۔ اس نازک وقت میں فلاحی تنظیم نے متاثرین کے لیے فری میڈیکل کیمپس، کھانے، خشک راشن، مچھر دانیاں اور صاف پانی کی فراہمی شروع کر رکھی ہے۔ 

ٹرسٹ کے بانی و چیئرمین مزمل ملک خود متاثرہ علاقوں میں موجود ہیں اور تمام سرگرمیوں کی نگرانی کر رہے ہیں۔ مزمل ملک کا کہنا ہے کہ یہ وقت احساس اور عمل کا ہے، ہزاروں خاندان اب بھی مدد کے منتظر ہیں۔ 

ٹرسٹ نے مخیر حضرات اور عطیہ دہندگان کا شکریہ ادا کیا ہے جن کی مدد سے خدمتِ انسانیت کا یہ سلسلہ جاری ہے۔