سٹی 42 : ڈپٹی میئر کراچی سلمان عبد اللہ مراد نے سپر ہائیوے ٹریفک حادثے پر گہرے دکھ اور افسوس کا اظہار کیا ہے۔ اُن کی ہدایت پر عباسی شہید اسپتال میں ایمرجنسی نافذ کردی گئی ہے۔ 

قیمتی جانوں کے ضیاع پر ڈپٹی میئر سلمان عبد اللہ مراد کی جانب سے لواحقین سے دلی ہمدردی اور تعزیت کا اظہار کیا گیا ۔ ڈپٹی میئر سلمان عبد اللہ مراد کی ہدایت پر عباسی شہید اسپتال میں ایمرجنسی نافذ کردی گئی۔ اُن کا کہنا ہے کہ زخمیوں کو فوری اور بہترین طبی امداد کی فراہمی یقینی بنائی جائے۔ 

ڈپٹی میئر سلمان عبد اللہ مراد نے ہدایت کی کہ ڈاکٹرز اور طبی عملہ زخمیوں کے علاج میں کوئی کسر نہ چھوڑے۔ حادثے کے زخمیوں کو ہر ممکن سہولت فراہم کی جائے۔ انتظامیہ اور متعلقہ ادارے امدادی کارروائیاں تیز کریں۔ انہوں نے کہا کہ شہریوں کی جان و مال کا تحفظ اولین ترجیح ہے ۔ مشکل کی اس گھڑی میں متاثرہ خاندانوں کے ساتھ کھڑے ہیں۔ 

 ڈپٹی میئر سلمان عبد اللہ مراد نے دعا کی کہ اللہ تعالیٰ مرحومین کو جنت الفردوس میں اعلیٰ مقام عطا فرمائے۔