عابد چودھری: ہوائی فائرنگ، اسلحہ کی نمائش اور پتنگ بازی قانوناً جرم ہے اس کے باوجود جس طرح مختلف تقاریب اور مقامات پر ان کی خلاف ورزی کی جاتی ہے، وہ محتاجِ بیان نہیں۔ پولیس کی جانب سے شہریوں کو تلقین کی جاتی ہے کہ شادی کی تقریبات میں فائرنگ وغیرہ نہ کی جائے تاکہ کوئی افسوسناک واقعہ پیش نہ آئے۔ 

لاہور کے علاقے شاہدرہ میں شادی کی تقریب میں پولیس اہلکار ہی ہوائی فائرنگ کرتے رہے۔ ٹریفک وارڈن عالمگیر اور اہلکاروں نے شادی میں فائرنگ کی۔ شادی میں وارڈن اور اہلکاروں کی فائرنگ کی فوٹیج منظرعام پرآگئی ہے۔ ویڈیو میں دیکھا جاسکتا ہے کہ کیسے اہلکار بغیر کسی خوف نے کھلم کھلا قانون کی خلاف ورزی کر رہے ہیں۔

شہرلاہورمیں جہاں ہوائی فائرنگ پرپولیس نےبہت سختی کی ہے وہاں پولیس اہلکار اپنے دوست کی مہندی پرکس طرح فائرنگ کررہے ہیں ۔۔۔ملاحظہ فرمائیں۔۔ pic.twitter.com/J9OM5Vm7eZ

— Ali Sahi (@alisahijournlst) December 13, 2021

دوسری جانب آئی جی پنجاب راؤ سردار نے وارڈن اور اہلکار کو معطل کرنے کا حکم دیتے ہوئے سی سی پی او لاہور فیاض احمد دیو سے واقعہ کی رپورٹ طلب کرلی ہے۔ آئی جی کا کہنا ہے کہ قانون شکن عناصر کی کوئی گنجائش نہیں جبکہ سی ٹی او منتظرمہدی نےوارڈن عالمگیر کو بھی معطل کر دیا ہے۔ ان کا کہنا تھا کہ انکوائری رپورٹ کی روشنی میں مزید محکمانہ کارروائی عمل میں لائی جائے گی اور قانون ہاتھ میں لینے والے کسی رعائت کے مستحق نہیں۔