ویب ڈیسک : قومی اسمبلی اجلاس میں اپوزیشن رہنما محمود خان اچکزئی نے 27 ویں ترمیم کے بل کی کاپی پھاڑ دی۔
27 ویں آئینی ترمیم کی منظوری کے لیے قومی اسمبلی کے اجلاس میں محمود خان اچکزئی اظہار خیال کے لیے کھڑے ہوئے تو انہوں نے 27 ویں ترمیم کے بل کی کاپی پھاڑ دی۔
محمود اچکزئی نے کہا کہ یہ حکومت فارم 47 پر قائم کی گئی ہے، اب یہ بتائیں ایسی پارلیمنٹ کو آئین میں ترمیم کا اختیار دیا جا سکتا ہے۔
سٹی42: وزیراعظم شہباز شریف نے پاکستان کے آئین میں نہایت اہم 27ویں ترامیم کو پارلیمنٹ کے دونوں ایوانوں سے منظور کروانے پر صدر مملکت، میاں نواز شریف اور اتحادی جماعتوں کے سربراہوں اور ارکان پارلیمنٹ کا شکریہ ادا کیا اور کہا ہے کہ آئینی عدالتوں کے قیام سے شہید محترمہ بے نظیر کی روح آج بہت خوش ہوگی۔
آئین مین انتہائی ناگزیر ترامیم کے مجموعہ 27ویں آئینی ترمیم کی منظوری کے بعد قومی اسمبلی میں اظہار خیال کرتے ہوئے وزیراعظم شہباز شریف نے کہا کہ ایوان نے قومی اتحاد و یگانگت کا مظاہرہ کیا، تمام لوگوں کا شکریہ ادا کرتا ہوں۔
انہوں نے کہا کہ ہمارے دیرینہ دوست عرفان صدیقی انتقال کرگئے۔ وہ استادوں کے استاد تھے، انہوں نے درس و تدریس میں زندگی گزاری اور جب سیاست میں آئے تو پوری ذمہ داری کے ساتھ ن لیگ اور نواز شریف کے ساتھ وفا نبھائی۔
وانا کاؤنٹر ٹیررزم آپریشن پر قوم کو مبارکباد
وزیراعظم نے کہا کہ وانا میں خوارج نے دہشت گردی کا بازار گرم کرنے کی مذموم حرکت کی اور سانحہ اے پی ایس کی یاد تازہ کردی، اللہ کا جتنا شکر ادا کریں کم ہے کہ کوئی جانی نقصان نہیں ہوا۔ انہوں نے کہا کہ خوارج جن میں بدقسمتی سے افغانستان کے لوگ بھی شامل تھے تمام کے تمام جہنم رسید ہوئے اور تمام کیڈیٹس ٹیچر، طلبا کو بحفاظت نکالا گیا۔
وزیراعظم شہباز نے کہا کہ اس کامیاب آپریشن پر پوری قوم کو مبارک باد، افواج کا دل کی گہرائیوں سے شکریہ ادا کرتا ہوں، فورسز نے پیشہ وارانہ انداز سے کارروائی کی اور بڑے نقصان سے بچایا۔
اسلام آباد کچہری دھماکا اندوہناک سانحہ
شہباز شریف نے کہا کہ اسلام آباد میں کچہری کے باہر دہشت گردی کا واقعہ اندوہناک سانحہ ہے، جس میں جوڈیشل کمپلیکس کو نشانہ بنایا گیا اور اس میں وکلا سمیت 12 افراد شہید ہوئے جبکہ چار موت و زندگی کی کشمکش میں ہیں۔ انہوں نے دعا کی کہ اللہ تمام شہدا کو جنت میں جگہ اور زخمیوں کو مکمل شفا عطا فرمائے۔
خارجیوں کی حرکتوں کامنہ توڑجواب دیں گے
وزیراعظم شہباز نے کہا کہ ان دونوں اور دہشت گردی کے دیگر واقعات میں خارجی ہاتھ نمایاں ہے، ٹی ٹی پی، بی ایل اے افغانستان سے متحرک ہیں اور اُن کے بھارت کے ساتھ بھی روابط ہیں، سانحہ جعفر ایکسپریس سمیت دیگر شواہد کو ہم نے دنیا کے سامنے پیش کیا تو کسی نے بھی ان حقائق کو کسی نے چیلنج نہیں کیا۔
انہوں نے کہا کہ خارجیوں کو دہشت گردی سے نہ جوڑنا ایسے ہے جیسے دن کو رات اور رات کو دن کہا جائے کیونکہ اُن کے ملوث ہونے کے شواہد موجود ہیں، خارجی عناصر کی حرکتوں کا ہمیں پورا علم ہے، پہلے بھی منہ توڑ جواب دیا اور اب بھی دیں گے اور انہیں پاکستان کے امن اور ترقی و خوشحالی میں حائل نہیں ہونے دیں گے۔
افغان حکومت اپنی سرزمین کو پاکستان کے خلاف استعمال ہونے سے روکے
وزیراعظم نے کہا کہ دوحہ، استنبول میں افغان عبوری حکومت سے مذاکرات ہوئے، جس میں پاکستان شریک تھا اور ہم نے ایک ہی اپنا دیرینہ مطالبہ دہرایا کہ عبوری افغان حکومت اپنی سرزمین پر موجود ٹی ٹی پی اور بی ایل اے کو روکے۔
انہوں نے کہا کہ ہماری افواج ہر روز مقابلہ کرتی ہیں، جوان میجر شہید، لیفٹننٹ کرنل اور سپاہی شہید ہوتا ہے، ہمارے شہدا اپنے بچوں کو خدا حافظ کہتے ہیں اور لاکھوں بچوں کو یتیمی سے بچاتے ہیں۔
جھوٹے سچے وعدے کر کے دہشت گردوں کو لگام نہ دینا کسی صورت برداشت نہیں
وزیراعظم نے کہا کہ ہم چاہتے ہیں امن قائم ہو، افغانستان اس بات پر بھی متفق ہو اور پاکستان کے ساتھ امن میں برابر شریک ہوجائے، ہم جانتے ہیں پاکستان اور افغانستان کیلیے کیا بہتر ہے، جھوٹے سچے وعدوں کے بعد دہشت گردوں کو لگام نہ دیا جائے تو یہ ہم کسی صورت برداشت نہیں کریں گے۔
وزیراعظم نے کہا کہ ہم نے چالیس سال تک لاکھوں افغانیوں کی مہمان نوازی کی اور انہیں محسوس نہیں ہونے دیا کہ وہ پرائے ہیں، ہم نے ہمیشہ بھائیوں اور مہمانوں کی طرح رکھا اور اس عمل کو ہم نے گھروں کی واپسی تک جاری رکھا، آج چالیس سال کی مہمان نوازی کا صلہ ہمیں جو دیا جارہا ہے وہ دنیا دیکھ رہی ہے۔
افغانستان کو مشروط پیش کش
وزیراعظم شہباز شریف نے افغان طالبان کی عبوری حکومت کو پیش کش کی کہ آئیں، صدق دل سے بیٹھیں اور دہشت گردوں کو لگام دیں، ہم پوری طرح آپ کے ساتھ چلیں گے، خطے میں امن قائم ہو تاکہ ترقی اور خوش حالی ہو۔
ستائیس ویں ترمیم
وزیراعظم نے کہا کہ آئینی ترمیم کی منظوری پر صدر مملکت کا خصوصی شکریہ، نواز شریف یہاں آئے اور کارروائی میں شریک ہوئے، بلاول بھٹو، خالد مقبول، چوہدری سالک حسین، عبدالعلیم خان، خالد مگسی صاحب، اعجاز الحق، اے این پی کے لیڈر اپنے بھتیجے ایمل ولی اور حلیف جماعتوں کے تمام اراکین کا شکریہ جنہوں نے آئینی ترمیم کے حق میں ووٹ دیے۔ میں اسحاق ڈار، اعظم نذیر تارڑ، اٹارنی جنرل منصور اعوان، سیکریٹری قانون، اسپیکر اور تمام لوگوں کا شکریہ ادا کرتا ہوں، آئینی ترمیم پر بھرپور مشاورت ہوئیں، یہ ترامیم اب آئین کا حصہ بن گئیں ہیں،
آئینی عدالت کا معرض وجود میں آنا میثاق جمہوریت کا عروج
وزیراعظم شہباز شریف نے کہا میثاق جمہوریت میں واضح آئینی عدالت کا واضح لکھا تھا، آج 19 سال بعد یہ خواب شرمندہ تعبیر ہوا، شہید محترمہ بے نظیر کی روح کو تسکین مل رہی ہو گی، اللہ نے آج نواز شریف کو بھی سرخرو کیا، آئینی عدالت کا معرض وجود میں آنا میثاق جمہوریت کا عروج ہے۔
ترقی اور خوشحالی کیلیے سب کو مل کر کام کرنا ہوگا
وزیراعظم نے کہا کہ اپوزیشن کو 19 سالوں میں آئینی عدالت کے حوالے سے یاد نہ آیا، آج انہیں یہ کورٹ تکلیف دے رہی ہے مگر میں سمجھتا ہوں اختلاف اپوزیشن کا حق ہے اور ہم اس کا احترام کرتے ہیں تاہم گالی گلوچ اور الزام تراشی کو ختم کرنا ہوگا، ملک کی ترقی اور کوشحالی کیلیے سب کو ملکر کام کرنا ہوگا۔
شہباز شریف نے کہا کہ معرکہ حق کی عظیم فتح اور سفارتی محاذ پر ناکامی کے بعد مودی آج بھی بے بسی کا شکار ہے، ایسے میں ہمیں قومی یکجہتی اور اتحاد کو فروغ دینا چاہیے۔
چیف جسٹس کا شکریہ، وہ نیک نام اور شاندار کارکردگی کے حامل ہیں
انہوں نے کہا کہ چیف جسٹس یحییٰ آفریدی کا شکریہ، جنہوں نے بھرپور معاونت کی اور کورٹس نے فیصلے کیے اور قومی خزانے میں اربوں روپے آچکے ہیں، یحییٰ آفریدی نیک نام چیف جسٹس ہیں، شخصیت اور کارکردگی شاندار ہے، اُن کی مدد ملی اور اس فورم سے اُن کا شکریہ ادا کرتا ہوں۔
چیف جسٹس ہی آئینی عدالت اور اداروں کی سربراہی کریں گے
انہوں نے کہا کہ میں یقین دلاتا ہوں کہ 27ویں آئینی ترمیم کے بعد سپریم کورٹ کے چیف جسٹس ہی آئینی عدالت اور اداروں کی سربراہی کرتے رہیں گے۔
’معرکہ حق میں کامیابی کے بعد غیرملکی سربراہان پانچ قدم آگے بڑھ کر استقبال کرتے ہیں‘
معرکہ حق سے پہلے اور معرکہ حق کے بعد پاکستان کی پوزیشن
وزیراعظمنے کہا، معرکہ حق کی شاندار کامیابی کے بعد کسی بھی ملک کے سربراہ ہمارا پانچ قدم آگے چل کر استقبال کرتے ہیں، ایک ملک میں سوا سال پہلے گیا تو واجبی سا استقبال ہوا اور معمولی باتیں ہوئیں۔ مگر جب معرکہ حق کے بعد حال ہی میں میں وہاں گیا تو جو منظر دیکھا وہ ناقابل بیان ہے؛ وہی سربراہ تھے جنہوں نے آگے بڑھ کر گلے لگایا جبکہ پہلے وہ واجبی ملاقات کرتے تھے۔
انہوں نے کہا کہ یہ عزت اللہ نے ہمیں عطا کی، یہ جرات، اخلاق، اللہ پر اعتماد، فجر کے وقت دعا مانگنے اور بہادری کا نتیجہ ہے کہ پاکستان سفارتی اور عسکری محاذ پر دہائیوں میں وہ عزت نصیب نہیں کرسکا۔
اب فیلڈ مارشل کا عہدہ بحری اور فضائی افواج کیلئے بھی ہوگا
وزیراعظم شہباز نے کہا کہ حکومت نے عاصم منیر کو فیلڈ مارشل کا اعزاز دیا تو اسے پوری قوم نے سراہا، جس کو آج آئینی کا حصہ بنادیا ہے، فیلڈ مارشل کا عہدہ صرف بری نہیں بلکہ بحری اور فضائی سربراہان کیلیے بھی ہے۔
اپنے ہیروز کو عزت دینا جانتے ہیں، اس عمل کو آئین کا حصہ بنایا
وزیراعظم نے کہا کہ قومیں اپنے شہدا اور غازیوں کی عزت کرتی ہیں، ہم اپنے ہیروز کو عزت دینا اور دلانا جانتے ہیں، ہم نے اس عمل کو آئین کا حصہ بنایا ہے۔
شہباز شریف نے کہا کہ افواج، فورسز دہشت گردی کا مقابلہ کررہی ہیں، فوجی جوان، افسر، قانون نافذ کرنے والے ادارے، رینجرز، پولیس قربانیاں دے کر ملک میں امن قائم رکھے ہوئے ہیں، افواج پاکستان کسی بھی جگہ پر واقعے کے بعد فوری حرکت میں آتی ہے۔
قومی اتفاق رائے کے بغیر کچھ نہیں کریں گے
انہوں نے کہا کہ صوبے مضبوط ہوں تو وفاق مضبوط ہوگا، چار اکائیاں مل کر ہی پاکستان بنتا ہے، سوال پیدا نہیں ہوتا کہ اٹھارہویں ترمیم یا این ایف سی میں بغیر مشاورت کے کوئی تبدیلی کی جائے، صوبوں کی ترقی سے ہمیں خوشی ہے۔
کالا باغ ڈیم کے حق میں نہیں ہوں
وزیراعظم نے کہا کہ پاکستان اور وفاق کو مضبوط کرنے والی ہر چیز کے ساتھ ہوں۔ یہ نقطہ نظر سالوں سے ہے۔ وفاق کو کمزور کرنے والی چیز کتنی ہی اچھی کیوں نہ ہو وہ قوم کیلیے اچھی نہیں ہے۔ کالا باغ ڈیم شاندار معاشی منصوبہ ہے مگر اس سے وفاق کمزور ہوگا تو 100 کالا باغ ڈیم بھی ہوں مگر میں اس کے حق میں نہیں ہوں۔
فوج اور رینجرز کے اخراجات میں شراکت پر صوبوں سے بات کریں گے
وزیراعظم شہباز نے کہا کہ فوج اور رینجرز کے اخراجات وفاق برداشت کرتا ہے مگر ہم اس معاملے پر علیحدہ بیٹھیں گے اور اس پر بات کریں گے اور اتفاق نہ ہوا تو پھر کوئی بات نہیں ہے۔ یہاں اُن کا اشارہ اخراجات کی ادائیگی صوبوں کی طرف تھی۔
شہباز شریف نے کہا کہ بیٹھ کر بے شمار معاملات کو طے کرنا ہے، جیسے کسٹم ڈیوٹی صوبوں کے پاس جمع ہونے کا ذکر آئین میں نہیں بلکہ اس حوالے سے صدارتی آرڈیننس جاری ہوا، ہمیں دکھوں اور سکھوں کو ملکر لے کر چلنا اور انہیں ختم کرنا ہے۔
November 11, 2026
November 11, 2026
سٹی42: پارلیمنٹ کے ایوانِ زیریں قومی اسمبلی کے اجلاس میں یوں تو بہت غل غپاڑہ ہوا لیکن کچھ پارلیمنٹیرین مہذب قانون سازوں کی طرح اعلیٰ اخلاق کا مظاہرہ کرتے بھی نطر آئے۔
پاکستان پیپلز پارٹی کے سینئیر لیڈر اور سینئیر پارلیمینٹیرین سید خورشید شاہ علالت کے باعث وہیل چئیر پر بیتھ کر اجلاس میں آئے تو سابق وزیراعظم اور مسلم لیگ نون کے مینٹور نواز شریف اپنی نشست چھوڑ کر خورشید شاہ سے ملنے کے لئے ان کی نشست پر گئے، نواز شریف نے خورشید شاہ سے مصافحہ کیا، ان کی طبعیت کا حال دریافت کیا اور ان کے مکمل صحت یاب ہونے کی دعا کے ساتھ نیک خواہشات کا اظہار کیا۔
وزیراعظم شہباز شریف اور نائب وزیراعظم اسحاق ڈار نے بھی خورشید شاہ کی نشست پر جا کر انہیں اجلاس میں خوش آمدید کہا اور ان کی خیریت دریافت کی۔ آج کے اجلاس میں 27 ویں ترمیم کو منظور کرنے کے لئے حکومت کے ہمنوا ارکان کی تعداد دو تہائی سے زیادہ تھی، خورشید شاہ کی وہیل چئیر پر اجلاس میں شرکت سے حکومت کے پاس 234 اراکین ہوگئے۔
اس سے پہلے سابق وزیراعظم میاں نواز شریف قومی اسمبلی کے آج کے اہم اجلاس میں آئے تو ہال دیر تک تالیوں کی آواز سے گونجتا رہا۔ پیپلز پارٹی کے چئیرمین، سابق وزیر خارجہ بلاول بھٹو اپنی نشست چھوڑ کر میاں نواز شریف کی نشست پر گئے، ان سے مصافحہ کیا، صحت کی خیریت دریافت کی، اور ان کے لئے نیک خواہشات کا اظہار کیا۔
سٹی42: سینیٹ کے اجلاس کا شیڈول بھی تبدیل کردیا گیا، ستائیس ویں ترمیم کو دوسری مرتبہ سینیٹ میں پیش کرنے کے لئے ایوانِ بالا کا اجلاس ایک روز قبل طلب کرلیا گیا، سینیٹ اجلاس آج شام پانچ بجے بلا لیا گیا۔
ستائیس وین آئینی ترامیم کے مجموعہ پر قومی اسمبلی میں بحث ہوئی تو ارکان قومی اسمبلی نے سینیٹ کے منطور کردہ مسودہ میں مزید کئی ترامیم پیش کر دیں، قومی اسمبلی کے دو تہائی ارکان کی منظوری ملنے کے بعد اب ستائیس وین ترامیم کے مجموعہ کو تبدیل شدہ حالت میں دوبارہ منظوری کے لئے سینیٹ میں پیش کیا جائےگا۔ سینیٹ کی منظوری ملنے کے دوران اگر مسودہ مین موزید کوئی ترمیم، تبدیلی ہوئی تو اسے قومی اسمبلی کی دوبارہ منطوری کے لئے قومی اسمبلی میں دوبارہ لایا جائے گا، اگر سینیٹ نے قومی اسمبلی کے منظور کردہ مسودہ کو من و عن منظور کر دیا تو اس کو دونوں ایوانوں سے منطوری مل چکنے کے بعد صدر مملکت کی منظوری کے لئے بھیجا جائے گا، یہ کام کرنے کے لئے قومی اسمبلی اور سینیٹ کے منظور کردہ مسودہ کو وزیراعظم خود اپنی سمری کے ساتھ مسودہ کو ایوان صدر بھیجیں گے۔
November 11, 2026
November 11, 2026
سٹی42: 27ویں آئینی ترمیم کی منظوری کے فوراً بعد استعفیٰ دینے والے سینیٹر سیف اللہ ابڑو کے استعفے پر کاروائی روک دی گئی۔
سینیٹر سیف اللہ ابڑو کے استعفے پرچیئرمین سینیٹ نے دستخط نہیں کیے، آرٹیکل 63اے کے تحت ریفرنس بھی نہیں بھجوایا جا سکا۔
پی ٹی آئی منحرف رکن سیف اللہ ابڑو نے پارلیمان میں استعفیٰ دیدیا تھا۔ ان کا استعفیٰ مسلم لیگ نون کے بعض ارکان کے رویہ کے خلاف ایک طرح کا احتجاج تھا۔
قومی اسمبلی کا اجلاس: نواز شریف کے ایوان میں پہنچنے پر لیگی ارکان نے ڈیسک بجاکر استقبال کیا۔
مسلم لیگ ن کے صدر اور سابق وزیر اعظم نواز شریف قومی اسمبلی کے اجلاس میں شرکت کے لیے پارلیمنٹ پہنچ گئے۔اسپیکر قومی اسمبلی سردار ایاز صادق کی سربراہی میں قومی اسمبلی کا اجلاس ہوا جس میں آج 27 آئینی ترمیم، مختلف ترامیم کے ساتھ منظور ہوگئی ہے ۔
اجلاس میں شرکت کیلئےنواز شریف اور وزیر اعظم شہباز شریف ایوان پہنچے۔اس موقع پر لیگی رہنماؤں نے پارلیمنٹ پہنچنے پر نواز شریف کا ڈیسک بجاکر شاندار استقبال کیا۔
نواز شریف نے ایوان میں ارکان اسمبلی سے ہاتھ ملایا جبکہ بلاول بھٹو زرداری نے نواز شریف کی نشست پر جا کر ان سے مصافحہ کیا۔ خورشید شاہ بھی ویل چیئر پر ووٹ دینے آئے ۔ نواز شریف نے ان سے ملاقات کی اور حال احوال پوچھا ۔
November 11, 2026
November 11, 2026
ویب ڈیسک : پاکستان پیپلز پارٹی کے رہنما سید خورشید شاہ 27 ویں آئینی ترمیم پر ووٹ دینے کے لیے وہیل چیئر پر پارلیمنٹ پہنچ گئے۔
مسلم لیگ ن کے صدر اور سابق وزیر اعظم نواز شریف اپنی نشست سے اٹھ کر خورشید شاہ کے پاس گئے اور ان کا حال احوال دریافت کیا۔ ان کے علاوہ وزیراعظم شہباز شریف اور نائب وزیراعظم اسحاق ڈار نے بھی خورشید کے پاس جا کر انہیں خوش آمدید کہا اور ان کی خیریت دریافت کی۔
خیال رہے کہ خورشید شاہ گزشتہ کچھ ماہ سے علیل ہیں،2 ماہ قبل انہیں این آئی سی وی ڈی سکھر میں داخل کیا گیا تھا جس کے بعد انہیں مزید علاج کے لیے کراچی منتقل کیا گیا تھا۔
انہیں وزیراعلیٰ سندھ مراد علی شاہ کی خصوصی ہدایت پر حکومت سندھ کے خصوصی طیارے کے ذریعے کراچی بھیجا گیا تھا۔
سٹی42:پاکستان کے آئین میں ترامیم کے مجموعہ " 27ویں ترمیم"کے مسودہ پر قومی اسمبلی میں بحث و تمحیص کے بعد قومی اسمبلی نے کچھ مزید ترامیم کے ساتھ سینیٹ کی بھیجی ہوئی ترامیم کے 27 ویں مجموعے کو منطور کر لیا ہے۔ ترامیم کی منظوری کے لئے قومی اسمبلی کے 231 ارکان نے ووٹ دیا۔
قومی اسمبلی میں سینیٹ کی منطور کردہ ستائیویں ترامیم کا مجموعہ غور کے لئے پیش کیا گیا تو اس مسودہ کی تمام شقوں پر مفصل بحث ہوئی۔ اس دوران قومی اسمبلی کے ارکان نے سینیٹ کے منطور کرہ مسودہ میں مزید کچھ ترامیم، اضافے تجویز کئے، ان سب پر بحث کے بعد ترامیم کے مجموعہ کی شق وار منظوری یا نامنظوری کے لئے ووٹنگ کا عمل ہو ا جو چند لمحے پہلے مکمل ہوا ہے۔ سینیٹ میں منطور کئے گئے بل کو آج قومی اسمبلی میں پیش کیا گیا تھا۔ بل میں قومی اسمبلی کے ارکان نے بحث کے دوران مزید ترامیم پیش کیں۔ اب بل میں مزید ترامیم کی شق دار منظوری کا عمل مکمل ہو گیا ہے۔
وزیر قانون اعظم نذیر تارڑ نے 27 ویں آئینی ترمیم کی تحریک پیش کی اور کہا کہ 27 ویں آئینی ترمیم کے خدوخال سینیٹ میں پیش کردیے تھے، قانون اور آئین میں ترمیم ایک ارتقائی عمل ہے۔
انہوں نے کہا کہ جسٹس یحییٰ آفریدی ہی چیف جسٹس پاکستان رہیں گے۔
اس کے بعد 27 ویں آئینی ترامیم پر شق وار ووٹنگ کی گئی اور تمام 59 شقیں منظور کرلی گئیں، ترمیم کی حمایت میں 233 ارکان نے ووٹ دیا جبکہ مخالفت میں 4 ووٹ آئے۔جمعیت علمائے اسلام نے مخالفت میں ووٹ دیا۔
سپیکر ایاز صٓدق نے ترامیم کے 27 ویں مجموعے کی حتمی منطوری کے عمل کا قواعد کے مطابق آغاز کروایا، ارکان نے اپنی نشستوں سے اٹھ کر مخصوص دروازے سے باہر جا کر ترمیم کے حق میں ووٹ شمار کروائے۔ یہ عمل مکمل ہونے کے بعد سپیکر ایاز صادق نے اعلان کیا ہے کہ قومی اسمبلی نے 27 وین آئینی ترمیم کی دو تہائی اکثریت سے منظوری دے دی ہے۔
اپوزیشن کے ارکان نے اس سارے عمل میں بحث کے مرحلہ تک حصہ لیا۔ وہ بلاول بھٹو اور دیگر ارکان کی اہم تقاریر کے دوران شور مچاتے رہے۔ جب سپیکر نے ترامیم کی شق وار منطوری کا عمل آغاز کروایا تو اس سے پہلے اپوزیشن کے ارکان ہال سے باہر نکل گئے۔ انہوں نے ووٹنگ کے عمل کا بائیکاٹ کیا۔
قومی اسمبلی کی پریس گیلری میں موجود صحافی اجلاس کی لمحہ بہ لمحہ کوریج کر رہے ہیں۔ ان کی رپورٹ کے مطابق 27ویں آئینی ترمیم میں اضافی ترامیم قومی اسمبلی میں پیش کردی گئیں۔ حکومت اور اپوزیشن کی اضافی ترامیم الگ فہرست میں موجود ہیں، قومی اسمبلی سے اضافی ترامیم کی منظوری ہونے کے بعد اس مسودہِ قانون کو سینیٹ کی منطوری کے لئے دوبارہ سینیٹ کو بھیجا جائے گا کیونکہ سینیٹ نے جن ترامیم کے مسودوں کو منطوری دے کر قومی اسمبلی بھیجا تھا، اب ان میں کچھ مزید ترامیم شامل ہو چکی ہیں۔
سینیٹ سے ان اضافی ترامیم کی منطوری یا نا منظوری حاصل ہونے کے بعد یہ طے ہو گا کہ اگر پاکستان کے عوام کے منتخب نمائندوں کے دونوں ایوانوں سے ان ترامیم کو منظوری مل چکی ہے تو انہیں نافذ العمل بنانے کے لئے صدرِ مملکت کی منظوری حاصل کی جائے۔
اس مقصد کے لئے وزیراعظم شہباز شریف ایک سمری لکھ کر صدر مملکت کو ترامیم کے پارلیمنٹ سے منطوری کئے جا چکے مسودہ کے ساتھ ایک سمری لکھ کر صدر مملکت آصف علی زرداری کو بھیجیں گے، جو پارلیمنٹ کی منطور کردہ تمام قانون سازی کو منظور کر کے اسے نافذ العمل بنانے کا اختیار رکھتے ہیں۔ صدرِ مملکت مناسب سمجھیں تو قانون سازی کے مسودہ کو دوبارہ غور کرنے کے لئے حکومت کے ذریعہ پارلیمنٹ کو بھیج سکتے ہیں۔
قومی اسمبلی میں 27 وین ترامیم میں کیا مزید اضافے ہوئے؛ آرٹیکل چھ میں ترمیم کی تجویز
27 ویں آئینی ترمیم بل میں بغاوت سے متعلق آرٹیکل 6 میں ترمیم کا امکان ہے، آئین کے آرٹیکل 6 کی شق 2 اے میں ترمیم کی جائے گی۔
ذرائع کے مطابق سینیٹ کے منطور کردہ مسودہ کے متعلقہ متن میں ترمیم کر کے سپریم کورٹ کے ساتھ وفاقی آئینی عدالت کا نام بھی شامل کیا جائے گا۔ اس اضافہ کے بعد متن مزید واضح ہو جائے گا؛ بغاوت کے کسی ایسے عمل کو جو ذیلی شق 2 یا 1 میں مذکور ہو کسی عدالت بشمول وفاقی آئینی عدالت، سپریم کورٹ اور ہائی کورٹ کی جانب سے توثیق نہیں دی جائے گی۔
محمود اچکزئی کا 27 ویں ترمیم پر بحث میں کنٹری بیوشن
پی ٹی آئی کے بانی کے پسندیدہ رکن قومی اسمبلی محمود خان اچکزئی نے قومی اسمبلی کے اہم ترین اجلاس کے دوران قوم کی تاریخ کے اہم موڑ پر پیش ہونے والی ترامیم کے 27 ویں مجموعہ پر کوئی بحث مباحثہ نہیں کیا، انہوں نے ترامیم کے ھق مین یا ان کی مخالفت میں کوئی دلیل نہیں دی، بس مخالفت کی، وہ بھی اس طرح کہ27 ویں ترمیم کے بل کی جو کاپی ان کے ڈیسک پر دی گئی تھی، انہوں نے وہ پھاڑ دی۔
27 ویں آئینی ترمیم کی منظوری کے لیے قومی اسمبلی کے اجلاس میں محمود خان اچکزئی اظہار خیال کے لیے کھڑے ہوئے تو انہوں نے 27 ویں ترمیم کے بل کی کاپی پھاڑ دی۔
محمود اچکزئی نے کہا کہ یہ حکومت" فارم 47" پر قائم کی گئی ہے، اب یہ بتائیں کیا ایسی پارلیمنٹ کو آئین میں ترمیم کا اختیار دیا جا سکتا ہے۔
November 11, 2026
12 Nov, 2025
12 Nov, 2025
12 Nov, 2025
12 Nov, 2025
12 Nov, 2025
12 Nov, 2025
12 Nov, 2025