ویب ڈیسکؒ نیویارک کے میٹ گالا میں سو ہزار موتیوں والے لباس کے ساتھ جلوہ افروز ہو کرمیلہ لوٹنے کے بعد عالیہ بھٹ لگژری فیشن کمپنی گوچی کے منتظمین کی نظروں میں ایسی سمائیں کہ انہوں نے عالیہ کو گلوبل برانڈ ایمبیسیڈر بنا لیا۔
انسٹاگرام پر مداحوں کو اپنے شوبز کیریئر کی بڑی خبر دیتے ہوئے اداکارہ نے کچھ تصاویر بھی شیئر کی ہیں۔عالیہ بھٹ نے لکھا کہ مجھے گُچی کو نہ صرف انڈیا بلکہ عالمی اسٹیج پر پیش کرنے کا اعزاز ملا ہے۔
View this post on Instagram
انہوں نے مزید لکھا کہ گوچی کی شاندار روایت نے مجھے ہمیشہ متاثر کیا اور میں اس برانڈ کے ساتھ مزید آگے بڑھنے کی خواہشمند ہوں۔
جیسے ہی عالیہ بھٹ نے اس خبر کو انسٹا گرام میں اپنے مداحوں سےشیئر کیا ہر طرف سے ان کو مبارکباد دینے کا سلسلہ شروع ہوگیا، ان کی ساتھی فنکاروں انوشکا شرما، جھانوی کپور، وانی کپور، نیتو کپور، بپاشا باسو اور بھومی پڈنیکر نے بھی انہیں مبارکباد پیش کی۔
یپیکا پڈوکون اور پریانکا چوپڑا کے بعد عالیہ بھٹ بھی ہالی وڈ کی طرف اپنا راستہ بنا رہی ہیں، کچھ دن قبل وہ دنیا کے سب سے بڑے فیشن شو میٹ گالا میں بھی شرکت کر چکی ہیں۔