ویب ڈیسک:ٹوئٹر نے صارفین آئی او ایس صارفین کے لئے ایک نیافیچر متعارف کرادیا۔
تفصیلات کے مطابق دوسرے سوشل میڈیا پلیٹ فارمز کو دیکھتے ہوئے ٹوئٹر نے بھی صارفین کیلئے ٹک ٹاک کی طرح کا الگور تھم بنا لیا، ساتھ ہی ٹوئٹر کی جانب سے الگورتھم پر مبنی ٹائم لائن اور ریورس chronological پر مبنی ہوم فیڈ کا فیچر ختم کر کے الگورتھم فیڈ کو بائی ڈیفالٹ فیڈ بنا دیا گیا ہے۔اس حوالے سے کمپنی کا کہنا ہے کہ یہ نئی تبدیلی سب سے پہلےآئی او ایس صارفین کے لیے متعارف کرائی گئی ہے اور اب وہ ایپل کی ڈیوائسز میں صارفین کے لیے فار یو اور فالوونگ کے نام سے 2 ٹیبز نظر آئیں گی۔
The “For you” and “Following” tabs replace “Home” and “Latest” and will be pinned to the top of your timeline so you can easily switch between them. Swipe to switch timelines instead of tapping the ✨ icon.
— Twitter Support (@TwitterSupport) January 11, 2023
کمپنی کے مطابق جب ایپ کو اوپن کیا جائے گا تو فار یو ٹیب ہی سب سے پہلے اوپن ہوگی جس کے بعد صارف کی مرضی ہوگی کہ وہ کونسی ٹیب پر اسکرولنگ کرنا چاہتا ہے اور اس کے ساتھ ہی فار یو فیڈ میں ایسے اکاؤنٹس کی ٹوئٹس صارفین کے سامنے ہوں گی جن کو وہ فالو ہی نہیں کرتے ہوں گے، جبکہ فالوونگ ٹیب میں آپ کو ان اکاؤنٹس کی تازہ ترین ٹوئٹس نظر آئیں گی جن کو آپ فالو کررہے ہوں گے۔
واضح رہے کہ ٹوئٹر کے اینڈرائیڈ اور ویب ورژن کے صارفین کے لیے پرانا ہوم فیڈ فی الحال برقرار رہے گا۔
ایلون مسک نے اس نئی تبدیلی کا وعدہ گزشتہ دنوں کیا تھا، تاہم8 جنوری کو ایک ٹوئٹ میں انہوں نے کہا تھا کہ آئندہ ہفتے سے ٹوئٹر میں دائیں بائیں swipe کرکے ہوم فیڈ کے مختلف سیکشنز تک رسائی دی جائے گی، ساتھ ہی یوزر انٹرفیس کو تبدیل کرنے کے پہلے مرحلے میں بک مارک بٹن کو ایک ہفتے بعد متعارف کرایا جائے گا۔
خیال رہے کہ ایلون مسک نے اکتوبر 2022 میں ٹوئٹر کو خریدا تھا اور اس کے بعد سے کافی کچھ تبدیل کیا ہے۔