(عابد چودھری)زمین پھٹی نہ آسمان گرا، سوتیلے نانا نے اپنی دو سالہ نواسی کو زیادتی کا نشانہ بناڈالا، ملزم کوگھناؤنا فعل کرکے فرار ہوگیا، پولیس نے بروقت کارروائی کرتے ملزم کو وہاڑی کے علاقہ میلسی سے گرفتار کرلیا۔
تفصیلات کے مطابق لاہور کے علاقہ مغلپورہ میں ننھی معصوم جان کو زیادتی کا نشانہ بناڈالا،کلثوم نامی خاتون اپنی دو سالہ بچی کو قریبی عزیز کے گھر چھوڑ کرکسی کام کے سلسلہ میں باہر گئی، واپس گھر بچی کو لینے پہنچی تو پیروں تلے زمین نکل گئی،درندہ صفت شخص جو کہ بچی کا سوتیلا نانا بتایا جارہا ہے اس نے بچی کو جنسی ہوس کا نشانہ بنایا اور فرار ہوگیا۔
متاثرہ بچی کی ماں نے مقدمہ درج کرایا، جس پر پولیس کارروائی کرتے 2 سالہ معصوم بچی سے زیادتی کرنے والے ملزم کو وہاڑی سےگرفتار کرلیا،ایس پی انویسٹی گیشن سول لائنز شمس الحق درانی کا کہناتھا کہ گرفتار ملزم محمد اکرم بچی کا سوتیلا نانا ہے،2 سالہ معصوم بچی سےزیادتی کے بعد ملزم وہاڑی فرار ہوا، انچارج انویسٹی گیشن مغلپورہ محمد راشد نے اپنی ٹیم کے ہمراہ ملزم کو ضلع وہاڑی تحصیل میلسی سے گرفتار کیا۔ملزم نے تحقیقات جارہی ہیں۔