سٹی 42: معروف اداکار عدنان صدیقی نے پی ایس ایل 6 کے نئے ترانے "گروو میرا" کو تنقید کا نشانہ بنانے پر شدید برہمی کا اظہار کیا ہے۔
سماجی رابطے کی ویب سائٹ ٹویٹر پر جاری اپنے ایک پیغام میں عدنان صدیقی کا کہنا تھا کہ کیا ہم آج تک اپنے فنکاروں کو وہ عزت و احترام نہیں دے سکتے ہیں جس کے وہ حقدار ہیں۔ ان کا کہنا تھا کہ تنقید کرنے والوں کیلئے فنکاروں کے کام کو مٹی میں ملا دینا بہت آسان ہے کیونکہ انہیں اُس کے پیچھے کی سخت محنت نہیں معلوم ہوتی ہے۔
اداکار نے نصیو لال پر ہونے والی کڑی تنقید پر شدید غصے کا اظہار کرتے ہوئے کہنا تھا کہ ہم نصیبو لال کے ان سُریلے اور زبردست گیتوں کو کیسے بھول سکتے ہیں جو اُنہوں نے ماضی میں ہمیں دیے۔ پی ایس ایل کا نیا ترانہ گروو میرا اس طرح ٹرول ہونے کا اہل نہیں۔
Least we can do for our artists is respect them. It’s very easy to be keyboard warriors and shred someone’s hard work to pieces. How ungrateful to forget so conveniently all the melodious songs Naseebo Lal has given us. #groovemera doesn’t deserve to be trolled like this????????
— Adnan Siddiqui (@adnanactor) February 10, 2021
واضح رہے شائقین کرکٹ اور موسیقی کے شوقین افراد کی جانب سے پی ایل ایل سکیس نے نئے ترانے کو شدید تنقید کا سامنا ہے۔ شائقین کا کہنا ہے گزشتہ ترانوں کی طرح یہ بھی کسی کام کا نہیں ہے۔ مداحوں نے علی ظفر سے ایک بار پھر نیا ترانے ریلیز کرنے کا مطالبہ کر دیا ہے