ویب ڈیسک: بغیر لائسنس موٹر سائیکل اور گاڑی چلانے والے پولیس اہلکار بھی ٹریفک پولیس کے نشانے پر آگئے۔
پولیس اہلکار کو بھی بغیر لائسنس گاڑی اور موٹر سائیکل چلانے پر مقدمات کا سامنا کرنا پڑے گا۔ سی ٹی او لاہور نے ٹریفک وارڈنز کو بغیر لائسنس گاڑی اور موٹر سائیکل چلانے والے پولیس اہلکاروں کے خلاف کاروائی کے احکامات دے دیئے۔ تمام ایس پیز ، ڈی ایس پیز اور وارڈنز کو کارروائی کرنے کی ہدایت جاری کردی گئی۔
سی ٹی او لاہور کا کہنا ہے کہ وارڈنز ناکوں پر پولیس اہلکاروں کی موٹر سائیکلیں اور گاڑیاں روک کر لائسنس چیک کریں۔