سٹی 42 : انٹربینک میں ڈالر سستا ہونے کے بعد اوپن مارکیٹ میں مہنگا ہوگیا ۔ 

سٹیٹ بینک کے مطابق انٹربینک میں امریکی ڈالر 9 پیسے سسستا ہوگیا ، انٹربینک میں ڈالر 280.56 روپے سے کم ہوکر 280.47 روپے پر بند ہوا ۔ 

ماہرین کا کہنا ہے کہ برآمدات اور ترسیلات زر کی مد میں ڈالر کی آمد کی وجہ سے روپے کی قدر میں بہتری ہوئی ۔

اوپن مارکیٹ میں امریکی ڈالر2 پیسے اضافے سے 282.10 روپے پرآگیا . اوپن مارکیٹ میں یورو 8.16 روپے مہنگا ہوکر 319.39 روپے, برطانوی پاؤنڈ 4.43 روپے مہنگا ہوکر 368 روپے, یو اے ای درہم 1 پیسے مہنگا ہوکر  76.98  روپے, جبکہ سعودی ریال 2 پیسے مہنگا ہوکر 75.18  روپے پر آگیا ۔