سٹی 42 : بجٹ 2025-26 کے حوالے سے منعقد کیا گیا قومی اسمبلی کا اجلاس جمعہ صبح 11:00 بجے تک ملتوی کردیا گیا ۔
وزیر خزانہ نے مالی بل 2025 قومی اسمبلی میں پیش کر دیا ۔ محمد اورنگزیب نے سالانہ میزانیہ گوشوارہ اور نظرثانی تخمینے ایوان میں پیش کر دیے ۔ اس کے علاوہ مالی سال 2025-26 کے مطالبات زر و تخصیصات بھی پیش کر دی گئیں۔
اجلاس میں مالی سال 2023-24 اور 2024-25 کی ضمنی منظوریاں بھی پیش کر دیں گئیں ۔
سٹی 42 : حکومت نے بجٹ میں پیٹرولیم مصنوعات پر ڈھائی روپے فی لیٹر کاربن لیوی عائد کرنے کا اعلان کر دیا۔
وفاقی وزیر خزانہ محمد اورنگزیب بجٹ پیش کرتے ہوئے کہا کہ فاسل فیول کے زیادہ استعمال کی حوصلہ شکنی اور موسمیاتی تبدیلی اور گرین انرجی پروگرام کے لیے مالی وسائل مہیا کرنے کے لیے یہ تجویز کیا جارہا ہے کہ مالی سال 26-2025 کے لیے پیٹرول، ڈیزل اور فرنس آئل پر 2 روپے 50 پیسے فی لیٹر کی شرح سے کاربن لیوی عائد کی جائے۔
وزیر خزانہ نے کہا کہ کاربن لیوی مالی سال 27-2026 میں بڑھا کر 5 روپے فی لیٹر کر دی جائے گی، اس کے علاوہ فرنس آئل پر پیٹرولیم لیوی بھی وفاقی حکومت کی جانب سے اعلان کردہ شرح کے مطابق عائد کی جائے گی۔
June 06, 2026
June 06, 2026
سٹی 42 : چیئرمین یوسف رضا گیلانی کی سربراہی میں سینیٹ اجلاس شروع ہوگیا، وزیر خزانہ محمد اورنگزیب نے مالیاتی بل کی کاپی سینیٹ میں پیش کردی ۔
سینیٹ اجلاس میں وفاقی وزیر خزانہ بجٹ دستاویزات پیش کریں گے۔
چئیرمین سینیٹ نے پینل آف پریزائڈنگ آفسران کا اعلان کردیا، سینیٹر عرفان الحق صدیقی، سینیٹر منظور احمد، سینیٹر راجہ ناصر عباس پینل میں شامل ہیں۔
سینیٹر عباس آفریدی سمیت دیگر شہداء کے لیے دعائے مغفرت کی،، دعاء نائب وزیراعظم اسحاق ڈار نے کروائی۔
سوسائٹیز رجسٹریشن ایکٹ 1860 میں ترمیم پر رپورٹ سینیٹ میں پیش کردی گئی۔ قیمتوں پر کنٹرول اور ذخیرہ اندوزی کے قانون میں ترمیم سے متعلقہ قائمہ کمیٹی کی رپورٹ پیش کردی گئی۔ سینیٹر فیصل سلیم رحمان تین ترامیمی بلز پر رپورٹ پیش کیں۔
وزیر خزانہ محمد اورنگزیب نے مالیاتی بل کی کاپی سینیٹ میں پیش کردی ۔
سٹی 42 : قومی اسمبلی میں ہونے والی بجٹ تقریر میں بتایا گیا ہے کہ سرکاری ملازمین کے لیے پینشن کا نیا نظام لاگو کیا جائے گا، پینشن میں اضافہ مہنگائی کی بنیاد پر کیا جائے گا۔
وزیر خزانہ محمد اورنگزیب نے بجٹ تقریر کے دوران کہا کہ شریک حیات کے انتقال کے بعد فیملی پینشن کی مدت 10 سال تک محدود کرنے کا فیصلہ کیا گیاہے، ایک سے زیادہ پیشن کا خاتمہ کرنے کی سفارش کی گئی ہے۔ انہوں نے کہا کہ ریٹائرمنٹ کے بعد دوبارہ ملازمت کی صورت میں پینشن یا تنخواہ میں سے کسی ایک کا انتخاب کرنا ہوگا۔
محمد اورنگزیب نے کہا کہ معذور ملازمین کے لیے خصوصی کنوینس الاؤنس کو. ماہانہ 4 ہزار سے بڑھا کر 6 ہزار کر دیا جائے گا، اہل ملازمین کو 30 فیصد کی شرح سے ڈسپیریٹی ریڈکشن الاؤنس دینے کی تجویز ہے۔
June 06, 2026
June 06, 2026
سٹی 42 : وزیر خزانہ محمد اورنگزیب نے کہا ہے کہ ٹیکس چوری کرنے والوں کا موثر احتساب کیا جائے گا، ہم ایک ایسا مضبوط اور ڈیجیٹل ٹیکس کا نظام متعارف کروا رہے ہیں جو ٹیکس چوری کا راستہ روکے۔
وزیر خزانہ محمد اورنگزیب نے قومی اسمبلی اجلاس میں خطاب کرتے ہوئے بتایا کہ وفاقی حکومت کے گریڈ ایک تا 22 کے ملازمین کی تنخواہ میں دس فیصد اضافہ کیا جارہا ہے، ریٹائرڈ ملازمین کے پنشن میں سات فیصد اضافے کی تجویز ہے۔
محمد اورنگزیب نے کہا کہ دو اور تین پہیوں کی گاڑی کے فروغ کے لیے نئی الیکٹریکل وہیکل پالیسی متعارف کروائی ہے۔ اس پالیسی کا مقصد پٹرول اور ڈیزل پر چلنے والی گاڑیوں کے بجائے الیکٹرک گاڑیوں کو ترجیح دینا ہے۔ انہوں نے بتایا کہ پالیسی کے تحت گاڑیوں کی تیاری اور فروخت کو فروغ دینے کے لیے ایک لیوی عائد کرنے کی تجویز ہے۔
بینکوں سے کیش نکلوانے والوں کے لئے اہم خبر
نان فائلر ہونگے تو ایک لاکھ پر پہلے چھ سو روپے ٹیکس کٹوتی ہوتی تھی ، اب یکم جولائی سے ایک لاکھ کیش نکلوانے پر ایک ہزار روپے ٹیکس کٹوتی ہوگی۔
سٹی 42 : وزیر خزانہ محمد اورنگزیب نے کہا ہے کہ ایف بی آر کا ٹیکس ٹو جی ڈی پی بڑھ کر 10.3 فیصد ہو گیا ہے، توقع ہے جون 2025 کے آخر میں یہ مزید بڑھ کر 10.4 فیصد ہو جائے گا۔
قومی اسمبلی میں بجٹ تقریر کرتے ہوئے وزیرخزانہ نے بتایا کہ تنخواہ دار لوگوں کے لئے آمدنی کے تمام سلیبس میں انکم ٹیکس کے شرحوں میں کمی کی تجویز ہے۔ انہوں نے کہا کہ چھ لاکھ سے بارہ لاکھ تک تنخواہ والوں کے لئے ٹیکس کی شرح پانب فیصد سے کم کرکے کے ایک فیصد کر دی ہے۔
وزیر خزانہ نے کہا کہ بارہ لاکھ آمدنی والے تنخواہ دار پر ٹیکس کی رقم 30 ہزار سے کم کرکے 6 ہزار کرنے کی تجویز ہے، 22 لاکھ تک تنخواہ والوں کے لئے کم سے کم ٹیکس کی شرح 15 کے بجائے 11 فیصد کرنے کی تجویز ہے۔
June 06, 2026
June 06, 2026
سٹی 42 : وفاقی حکومت کی جانب سے قومی اسمبلی میں بجٹ 2025-26 پیش کر دیا گیا۔
وفاقی وزیر خزانہ محمد اورنگزیب نے قومی اسمبلی میں بجٹ پیش کیا۔
وزیر خزانہ نے اس موقع پر کہا کہ درآمد شدہ اور مقامی طور پر تیار کردہ سولر پینلز کے درمیان مسابقت میں برابری کو یقینی بنانے کے لیے تجویز ہے کہ سولر پینلز کی درآمدات پر 18 فیصد کی شرح سے ٹیکس عائد کیا جائے۔ انہوں نے بتایا کہ یہ اقدام پاکستان میں سولر پینلز کی مقامی صنعت کے فروغ میں اہم کردار ادا کرے گا۔
محمد اورنگزیب نے کہا کہ سیلز ٹیکس کے نظام میں مساوات لانے اور اس کی دیرینہ خرابیوں کو دور کرنے کے لیے درج ذیل اقدامات تجویز کیے جا رہے ہیں۔
سٹی 42 : وزیر خزانہ محمد اورنگزیب نے کہا ہے کہ مسلح افواج کے افسروں اور سپاہیوں کو خصوصی ریلیف الاؤنس دیا جائے گا، یہ اخراجات مالی سال 2025-26 کے دفاعی بجٹ سے پورے کئے جائیں گے۔
وزیر خزانہ محمد اورنگزیب نے قومی اسمبلی میں خطاب کرتے ہوئے کہا کہ گریڈ ایک سے 22 تک کےوفاقی ملازمین کی تنخواہوں میں 10 فیصد اضافے کی تجویز ہے، ریٹائرڈ وفاقی ملازمین کی پینشن میں 7 فیصد اضافہ کیا جائے گا۔ انہوں نے کہا کہ اہل ملازمین کو 30 فیصد کی شرح سے ڈسپیرٹی ریڈکشن الاؤنس دینے کی تجویز ہے۔ معذور ملازمین کے لیے خصوصی کنوینس الاؤنس 4 ہزار سے بڑھا کر 6 ہزار کیا جائے گا ۔
انہوں نے کہا کہ پیٹرولیم مصنوعات پر 2.5 روپے فی لٹر کاربن لیوی عائد کی جائے گی۔ کاربن لیوی کو مالی سال 2026-27 میں بڑھا کر 5 روپے لٹر کردیا جائے گا۔
June 06, 2026
June 06, 2026
سٹی 42 : وزیر خزانہ محمد اورنگزیب نے کہا ہے کہ وزیراعظم نے دانش یونیورسٹی اسلام آباد کے قیام کا اعلان کیا ہے، جبکہ 11 نئے دانش سکولوں کے قیام کی بھی منصوبہ بندی کی گئی ہے۔
قومی اسمبلی اجلاس میں خطاب کرتے ہوئے وزیر خزانہ محمد اورنگزیب نے کہا کہ سائنس اور ٹیکنالوجی میں 31 جاری اسکیموں کے لیے 4.8 ارب روپے مختص کئے گئے ہیں۔ انہوں نے بتایا کہ صحت کے شعبے کے 21 اہم منصوبوں کے لیے 14.3 ارب روپے مختص کیے گئے ہیں۔
محمد اورنگزیب نے بتایا کہ 11 نئے دانش سکولوں کے قیام کی منصوبہ بندی کی گئی ہے، اس کام کے لیے کل 9.8 ارب روپے مختص کئے گئے ہیں۔ انہوں نے بتایا کہ وزیراعظم نے دانش یونیورسٹی اسلام آباد کے قیام کا اعلان کیا ہے۔
وزیرخزانہ نے کہا کہ سندھ میں 2022 کے سیلاب سے متاثرہ اسکولوں کی تعمیر نو کے لئے تین ارب مختص کئے گئے ہیں۔ انہوں نے بتایا کہ اسلام آباد کے کینسر ہسپتال کے قیام کے لئے 1.7 ارب اور ضروری آلات کی خریداری کے لئے 90 کروڑ مختص کئے ہیں۔
واضح رہے دانش سکول پنجاب حکومت کا ایک پراجیکٹ ہے جس کے تحت مستحق، ضرورت مند اور یتیم بچوں کو چھٹی جماعت سے لے کر انٹرمیڈیٹ تک تعلیم دی جاتی ہے، دانش اسکول میں پڑھنے والے بچوں کو نہ صرف بغیر کسی فیس کے بالکل مفت تعلیم دی جاتی ہے بلکہ کھانا اور رہائش بھی فراہم کی جاتی ہے اب یہی سہولیات 11 نئے دانش سکولوں اور یونیورسٹی میں بھی میسر ہوگی ، غریب اور مستحق بچے مفت اعلی ٰ تعلیم حاصل کرسکیں گے
جائیداد کی خریداری پر ٹیکس کی شرح کم کرنے کی تجویز
وزیرخزانہ نے کہا کہ جائیداد کی خریداری پر ود ہولڈنگ ٹیکس کی شرح 4 فیصد سے کم کر کے 2.5 فیصد اور 3.5 سے کم کر کے 2 فیصد کرنے کی تجویز ہے ۔ انہوں نے بتایا کہ جائیداد کی خریداری پر ود ہولڈنگ ٹیکس 3 فیصد سے کم کر کے 1.5 فیصد کرنے کی تجویز ہے۔
وزیر خزانہ نے کہا کہ کمرشل جائیدادوں، پلاٹس اور گھروں کی منتقلی پر گزشتہ سال عائد کی جانے والی 7 فیصد تک کی فیڈرل ایکسائز ڈیوٹی ختم کرنے کی تجویز ہے۔
انہوں نے بتایا کہ اسلام آباد کی حدود میں جائیداد کی خریداری پر اسٹامپ پیپر ڈیوٹی کم کرکے 1 فیصد کرنے کی تجویز ہے. سالانہ ایک کروڑ سے زائد پنشن وصول کرنے والے ستر سال سے کم عمر پنشنزر کی ایک کروڑ سے زائد پنشن آمدنی پر پانچ فیصد ٹیکس کی تجویز ہے.
سٹی 42 : وزیر خزانہ محمد اورنگزیب نے کہا ہے کہ کفالت پروگرام ایک کروڑ خاندانوں تک پہنچایا جائے گا ۔
وزیر خزانہ محمد اورنگزیب نے قومی اسمبلی اجلاس سے خطاب میں کہا کہ آئندہ مالی سال اقتصادی ترقی کی شرح 4.2 فیصد رہنے کا امکان ہے، وفاقی حکومت کی خالص آمدنی 11 ہزار 72 ارب ہوگی۔ انہوں نے بتایا کہ جاری اخراجات کا تخمینہ 16286 ارب تخمینہ ہے، پنشن کے اخراجات کے 1055 ارب مختص کئے گئے ہیں۔
وزیر خزانہ نے کہا کہ حکومت بی آئی ایس پی کی کوریج بڑھانے کا ارادہ رکھتی ہے ۔ پی ایس ڈی پی میں ایک 328 ارب کی رقم ٹرانسپورٹ انفراسٹرکچر منصوبوں کی لئے مختص کی گئی ہے۔ انہوں نے کہا کہ بھارت نے پاکستان کے پانی کو روکنے کی دھمکی دی، پانی پاکستان کی بقا کا ضامن ہے، اس میں کسی قسم کی رکاوٹ کو برداشت نہیں کیا جائے گا، بھارت کے ناپاک عزائم کا بھرپور توڑ کیا جائے گا۔
انہوں نے کہا کہ حکومت محدود وسائل کے باوجود پانی کے ذخائر کے منصوبوں پر عملدرآمد یقینی بنائے گی۔
ڈیمز کے لیے کتنی رقم مختص
وزیر خزانہ محمد اورنگزیب نے کہا ہے کہ دیامر بھاشا ڈیم کے لئے 32.7 ارب, مہمند ڈیم کے لئے 35.7 ارب روپے مختص کئے گئے ہیں, کے فور منصوبے کے لئے 3.2 ارب روپے مختص کئے گئے ہیں۔ انہوں نے بتایا کہ پٹ فیڈرل کینال کے لئے 1.8 ارب مختص کئے گئے ہیں۔
آئی سی ٹی ایکسپورٹ بڑھانے کی منصوبہ بندی
وزیر خزانہ نے بتایا کہ اگلے پانچ سالوں میں آئی سی ٹی ایکسپورٹ کو 25 ارب ڈالر تک بڑھانے کی منصوبہ بندی کر لی گئی ہے ۔ انرجی سیکٹر کی 47 اسکیموں کے لیے 90 اعشاریہ 2 ارب روپے مختص کیے گئے ہیں ۔ انہوں نے کہا کہ تربیلا ففتھ ایکسٹینشن ایچ پی پی کے لیے 84 کروڑ روپے رکھے گئے ہیں ۔
انہوں نے بتایا کہ داسو پن بجلی کے لیے 10.9 ارب روپے، سوکی کناری کے لیے 3.5 ارب روپے رکھے گئے ہیں ۔ مہمند پن بجلی منصوبے کے لیے 2 ارب روپے رکھے گئے ہیں۔
June 06, 2026
June 06, 2026
سٹی 42 : وزیر خزانہ محمد اورنگزیب نے کہا ہے کہ ڈیجیٹل گورننس کے حوالے سے پاکستان کی خدمات کو بین الاقوامی سطح پر اعتراف کیا گیا ہے، ایکسپورٹس کو بڑھانے کی منصوبہ بندی کر لی ہے، 95 ہزار سے زائد ایس ایم ایز کو مالی امداد فراہم کی گئی، 2028 تک ایس ایم ای فنانسنگ کو 1100 ارب تک پہنچانے کا عزم ہے۔
ان خیالات کا اظہار وزیر خزانہ محمد اورنگزیب نے قومی اسمبلی میں ہونے والی تقریب سے خطاب کرتے ہوئے کیا، کہا کہ ماحولیاتی تبدیلی سے نمٹنا اہم ترجیح ہے، 99 لاکھ مستحق خاندانوں کو امداد فراہم کی گئی ۔ انہوں نے کہا کہ وزیراعظم سماجی اور اقتصادی ترقی کی سکیموں کو فروغ دینے کے خواہاں ہیں۔
اوورسیز پاکستانی ہمارا اہم اثاثہ ہیں
وزیر خزانہ محمد اورنگزیب نے اپنے خطاب میں کہا کہ دو سالوں میں ترسیلات زر کے حجم میں اضافہ ہوا ہے، خصوصی عدالتوں کا قیام عمل میں لایا گیا ہے۔ انہوں نے کہا کہ اسٹیٹ بینک کے ذریعے ہر سال سول ایوارڈز دیئے جائیں گے۔
انہوں نے بتایا کہ چھوٹے کسان کو قرض فراہم کے لئے اقدامات اٹھائے گئے ہیں، چھوٹے کسانوں کو بغیر ضمانت کے ایک لاکھ کے قرضے فراہم کریں گے۔ کپاس کی فصل کی بحالی کے لئے مربوط کوششیں کی گئی ہیں۔
وزیرخزانہ نے بتایا کہ نیشنل سیڈ پالیسی منظور کے آخری مراحل میں ہے۔ ایس آئی ایف سی نے سرمایہ کاری کے فروغ کے لئے نمایاں مقام حاصل کیا ہے۔
سٹی 42 : بجٹ 2025-26 میں وفاقی کابینہ نے فنانس بل کی منظوری دے دی ۔
فنانس بل کے مطابق 6 لاکھ تک تنخواہ دار ٹیکس سے مستثنیٰ قرار ، 6 لاکھ سے 12 لاکھ تک تنخواہ لینے والے افراد 6 لاکھ سے اوپر رقم پر 1 فیصد ٹیکس ادا کرینگے۔ اس کے علاوہ 12 لاکھ روپے سے 22 لاکھ روپے تک سالانہ تنخواہ لینے والے 6 ہزار روپے فکس ٹیکس اور اور 11 فیصد اضافی ٹیکس دینگے۔
فنانس بل میں کہا گیا ہے کہ 22 لاکھ روپے سے 32 لاکھ روپے تک سالانہ تنخواہ لینے والے افراد پر فکس ٹیکس 1 لاکھ 16 ہزار اور 23 فیصد اضافی ٹیکس ادا کرنا ہوگا۔ 32 سے 41 لاکھ روپے سالانہ تنخواہ لینے والے افراد پر فکس ٹیکس 3 لاکھ 46 ہزار اور 30 فیصد اضافی ٹیکس ادا کرینگے۔ اس کے علاوہ 41 لاکھ سے اوپر سالانہ تنخواہ لینے والوں کو 6 لاکھ 16 ہزار فکس ٹیکس اور 35 فیصد اضافی ٹیکس ادا کرنا ہوگا ۔
June 06, 2026
June 06, 2026
سٹی 42:وفاقی وزیر خزانہ محمد اورنگزیب قومی اسمبلی میں بجٹ 2025 پیش کر دیا،
اجلاس میں وزیر اعظم ، اویس لغاری ،خواجہ آصف، احسن اقبال ،سمیت دیگر ارکان اسمبلی موجود ہیں ، خورشید شاہ بھی اسمبلی میں موجود ہیں ۔ اپوزیشن نے اجلاس میں ہنگامہ جاری رکھا ، بجٹ کاپیوں کو پھاڑ کر پھینکا گیا
وزیر خزانہ اورنگزیب نے بجٹ تقریر شروع شور شرابے میں تقریر کردی ، وزیر خزانہ کا اتحادی رہنماؤں کا شکریہ کیا ، یہ بجٹ نہایت اہم اور تاریخی موقع پر پیش کیا جارہا ہےبھارت کے خلاف کامیابی پر پاکستان کی عسکری اور سیاسی قیادت کو مبارکباد پیش کرتا ہوں
انہوں نے کہا ہم نے گزشتہ سال معیشت کے لیے کئی اہم اقدامات کیے،ہمیں اپنی معیشت کو مستحکم اور عوام کہ فلاح کو یقینی بنانا ہے،ہمیں کئی کامیابیاں حاصل ہوئیں،اس سال سرپلس کرنٹ اکاؤنٹ متوقع ہے،ہم پر امید ہیں ترسیلات زر کا حجم ہے ،قومی عزم اور یکجہتی کو بروئے کار لاتے ہوئے ہماری توجہ اب معاشی ترقی پر ہے
معاشی اصلاحات کے ذریعے معاشی استحکام لایا گیا،معیشت کی بہتری کے لیے کئی اقدامات کیے،افراط زر میں نمایاں کمی ہوئی اور ترسیلات زر 10 ماہ میں 36ارب ڈالر رہیں
38 ارب ڈالر تک پہنچ جائے گاحکومت کو سخت فیصلے کرنے پڑے ۔عوام نے بھی متعدد قربانیاں دیںہماری حکومت نے مہنگائی پر قابو پانے کیلئے اقدامات کیے،وزیر اعظم کی قیادت میں حکومت نے مختلف سیکٹرز میں کئی اہم کامیابیاں حاصل کیں،ٹیکنالوجی کے ساتھ انسانی وسائل کی ترقی پر بھی سرمایہ کاری کر رہے ہیں،منصوبے کے ابتدائی نتائج انتہائی حوصلہ افزا رہے ہیں
جعلی ریفنڈز کلیمز کو بلاک کیا گیا،قانون پر عمل پیرا امپورٹرز کو سہولت فراہم کی گئی،صارف دوست ریٹرن متعارف کروایا جارہا ہے،تاریخ میں پہلی بار آئی ایم ایف نے 389 ارب کے محصولات کا تسلیم کیا ہے،منی بجٹ کا ڈھنڈورا پیٹا جا رہا تھا،کوئی منی بجٹ نہیں آیا ، نہ ہی کوئی اضافی ٹیکس لگایا گیا
جی ڈی پی کے 2.4 فیصد کے برابر پرائمری سوپلس حاصل کیا، کسٹم ڈیوٹی کی سلیب کم کر کے 4 کی جارہی ہےحکومتی اقدامات سے افراط زر کم ہو کر 4.7 فیصد پر آ گئی ، کسٹم ڈیوٹی کی سلیب کم کرکے 4 کی جارہی ہےزیادہ سے زیادہ کسٹم ڈیوٹی کی حد 20 سے کم کرکے 15 کی جارہی ہےاصلاحات سے پاکستان اور اوسط ٹیرف خطے میں سب سے کم ہو جائے گا کم اوسط ٹیرف سے پاکستان عالمی منڈی میں ویتنام اور انڈونیشیا کا مقابلہ کرسکے گا
ہماری ترجیح ایسی معیشت کی تشکیل ہے جو ہر طبقے کو ترقی کے ثمرات دے ،یہی ویژن ہمین ایسے پاکستان کی طرف بڑھاتا ہے جہاں ترقی ہر فرد کی دہلیز تک پہنچے، ہم نے گزشتہ سال معیشت کی بہتری کیلئے کئی اہم اقدامات کیئے، جن کے نتیجے میں مالی نظم و ضبط میں بہتری آئی اور کئی کامیابیاں حاصل ہوئیں
ترسیلات زر موجودہ مالی سال کے 10 ماہ میں 31 فیصد اضافے کے ساتھ 31.2 ارب ڈالر تک پہنچ گئی ، امید ہے کہ موجودہ مالی سال کے اختتام تک ترسیلات کا حجم 37 سے 38 ارب ڈالر تک پہنچ جائے گا، سٹیٹ بینک کے زرمبادلہ کے ذخائر میں دو ارب ڈالر کا اضافہ ہو چکاہے ،موجودہ سال کے اختتام تک 14 ارب ڈالر تک پہنچ جائیں گے ، اقتصادی بہتری کیلئے حکومت کو سخت فیصلے کرنے پڑے عوام نے بھی متعدد قربیانیاں دیں جس کے مثبت نتائج سامنے آئے،
ہم بجلی کی قیمت میں کمی کی ہے،ہم نے این ٹی ڈی سی کی تنظیم نو کی ہے،ہمارا عزم ہے پانچ سالوں میں کمپنیوں کے نقصانات کو ختم کر دیا جائے گا،سستی بجلی کے حصول کے لئے جامع منصوبہ بندی کر لی ہے ،تیل اور گیس کے شعبے میں اصلاحات کی ہیں،ریکوڈک میں کانیں اہم اثاثہ ہیں،اس منصوبے کے تحت 41 ہزار 500 ملازمتیں فراہم ہوں گی،گوادر تک ریل اور سڑک کے بنیادی ڈھانچے کی تعمیر کی جارہی ہے
معیشت کے تمام شعبے اصلاحات سے مستفید ہوں گےورلڈ بینک کے مطابق اصلاحات کے نافذ کے بعد اوسط ٹیرف خطے میں سب سے کم ہو جائیں گے،قرضوں کے حجم میں کمی آئی ہے
نئے بجٹ میں تنخواہ دار طبقے کیلئے ریلیف کا فیصلہ کیا گیا ، تنخواہ دار طبقے کیلئے تمام ٹیکس سلیبز میں کمی کر دی گئی، چھ سے بارہ لاکھ تنخواہ ٹیکس کی شرح 1 فیصد ہو گی،بارہ لاکھ آمدن پر ٹیکس کی رقم 30 ہزار روپے سے کم کر کے 6 ہزار کی تجویز کی گئی ، بائیس لاکھ تک تنخواہ پر ٹیکس کی شرح 15 فیصد سے کم کر کے 11 فیصد مقرر کردی ، 22 سے 32 لاکھ تنخواہ پر ٹیکس شرح فیصد سے کم کر کے 23 فیصد کر دی گئی
دس وزارتوں کے رائیٹ سائزنگ کی منظوری دی گئی ہے ،چالیس ہزار خالی اسامیوں کو ختم کر دیا گیا ہے،8 وزارتوں کے حوالے سے تجاویز زہر غور ہیں پنشن اسکیم میں اصلاحات کی ہیں۔
ماحولیاتی تبدیلی سے نمٹنا اہم ترجیح ہے،99 لاکھ مستحق خاندانوں کو امداد فراہم کی گئی،ڈیجیٹل گورننس کے حوالے سے پاکستان کی خدمات کو بین الاقوامی سطح پر اعتراف کیا گیا ہے،ایکسپورٹس کو بڑھانے کی منصوبہ بندی کر لی ہے،95 ہزار سے زائد ایس ایم ایز کو مالی امداد فراہم کی گئی،2028 تک ایس ایم ای فنانسنگ کو 1100 ارب تک پہنچانے کا عزم ہے،وزیراعظم سماجی اور اقتصادی ترقی کی سکیموں کو فروغ دینے کے خواہاں ہیں،اوورسیز پاکستانی ہمارا اہم اثاثہ ہیں
دو سالوں میں ترسیلات زر کے حجم میں اضافہ ہوا ہے ،خصوصی عدالتوں کا قیام عمل میں لایا گیا ہے،اسٹیٹ بینک کے ذریعے ہر سال سول ایوارڈز دیئے جائیں گے،چھوٹے کسان کو قرض فراہم کے لئے اقدامات اٹھائے گئے ہیں،چھوٹے کسانوں کو بغیر ضمانت کے ایک لاکھ کے قرضے فراہم کریں گے،نیشنل سیڈ پالیسی منظور کے آخری مراحل میں ہے،کپاس کی فصل کی بحالی کے لئے مربوط کوششیں کی گئی ہیں،ایس آئی ایف سی نے سرمایہ کاری کے فروغ کے لئے نمایاں مقام حاصل کیا ہے
آئندہ مالی سال اقتصادی ترقی کی شرح 4.2 فیصد رہنے کا امکان ہے،وفاقی حکومت کی خالص آمدنی 11 ہزار 72 ارب ہوگی،جاری اخراجات کا تخمینہ 16286 ارب تخمینہ ہے،پنشن کے اخراجات کے 1055 ارب مختص کئے گئے ہیں،حکومت بی آئی ایس پی کی کوریج بڑھانے کا ارادہ رکھتی ہے ،کفالت پروگرام ایک کروڑ خاندانوں تک پہنچایا جائے گا،
پی ایس ڈی پی میں ایک 328 ارب کی رقم ٹرانسپورٹ انفراسٹرکچر منصوبوں کی لئے مختص کی گئی ہے،بھارت نے پاکستان کے پانی کو روکنے کی دھمکی دی،پانی پاکستان کی بقا کا ضامن ہے
اس میں کسی قسم کی رکاوٹ کو برداشت نہیں کیا جائے گا،بھارت کے ناپاک عزائم کا بھرپور توڑ کیا جائے گا،حکومت محدود وسائل کے باوجود پانی کے ذخائر کے منصوبوں پر عملدرآمد یقینی بنائے گی
اگلے پانچ سالوں میں آئی سی ٹی ایکسپورٹ کو 25 ارب ڈالر تک بڑھانے کی منصوبہ بندی کر لی گئی ہے،انرجی سیکٹر کی 47 اسکیموں کے لیے 90 اعشاریہ 2 ارب روپے مختص کیے گئے ہیں
تربیلا ففتھ ایکسٹینشن ایچ پی پی کے لیے 84 کروڑ روپے رکھے گئے ہیں ،داسو پن بجلی کے لیے 10.9 ارب روپے، سوکی کناری کے لیے 3.5 ارب روپے رکھے گئے ہیں ،مہمند پن بجلی منصوبے کے لیے 2 ارب روپے رلھے گئے ہیں،دیامر بھاشا ڈیم کے لئے 32.7 ارب مہمند ڈیم کے لئے 35.7 ارب روپے مختص کئے گئے ہیںکے فور منصوبے کے لئے 3.2 ارب روپے مختص کئے گئے ہیں،پٹ فیڈرل کینال کے لئے 1.8 ارب مختص کئے گئے ہیں
سائنس اور ٹیکنالوجی میں 31 جاری اسکیموں کے لیے 4.8 ارب روپے مختص کئے گئے ہیں۔صحت کے شعبے کے 21 اہم منصوبوں کے. لیے 14.3 ارب روپے مختص کیے گئے ہیں۔
جائیداد کی خریداری پر ود ہولڈنگ ٹیکس کی شرح 4 فیصد سے کم کر کے 2.5 فیصد اور 3.5 سے کم کر کے 2 فیصد کرنے کی تجویز ہے ۔جائیداد کی خریداری پر ود ہولڈنگ ٹیکس 3 فیصد سے کم کر کے 1.5 فیصد کرنے کی تجویز ہے۔ کمرشل جائیدادوں، پلاٹس اور گھروں کی منتقلی پر گزشتہ سال عائد کی جانے والی 7 فیصد تک کی فیڈرل ایکسائز ڈیوٹی ختم کرنے کی تجویز ہے۔
سائنس اینڈ ٹیکنالوجی کی 31 اسکیموں کے لئے 4.8 ارب روپے مختص کئے گئے ہیں،11 نئے دانش سکولوں کے قیام کی منصوبہ بندی کی گئی ہے،کل 9.8 ارب روپے مختص کئے گئے ہیں
وزیراعظم نے دانش یونیورسٹی اسلام آباد کے قیام کا اعلان کیا ہے،سندھ میں 2022 کے سیلاب سے متاثرہ اسکولوں کی تعمیر نو کے لئے تین ارب مختص کئے گئے ہیں،اسلام آباد کے کینسر ہسپتال کے قیام کے لئے 1.7 ارب اور ضروری آلات کی خریداری کے لئے 90 کروڑ مختص کئے ہیں
مسلح افواج کے افسروں اور سپاہیوں کو خصوصی ریلیف الاؤنس دیا جائے گا،یہ اخراجات مالی سال 2025-26 کے دفاعی بجٹ سے پورے کئے جائیں گے،
گریڈ ایک سے 22 تک کےوفاقی ملازمین کی تنخواہوں میں 10 فیصد اضافے کی تجویز ہے،ریٹائرڈ وفاقی ملازمین کی پینشن میں 7 فیصد اضافہ کیا جائے گا،اہل ملازمین کو 30 فیصد کی شرح سے ڈسپیرٹی ریڈکشن الاؤنس دینے کی تجویز ہے،معذور ملازمین کے لیے خصوصی کنوینس الاؤنس 4 ہزار سے بڑھا کر چھ ہزار کیا جائے گا سرکاری ملازمین کے لیے پینشن کا نیا نظام لاگو کردیا ،
پینشن میں اضافہ مہنگائی کی بنیاد پر کیا جائے گا ،شریک حیات کے انتقال کے بعد فیملی پینشن کی مدت 10 سال تک محدود کرنے کا فیصلہ کیا گیا ،ایک سے زیادہ پیشن کا خاتمہ کرنے کی سفارش کی گئی ،ریٹائرمنٹ کے بعد دوبارہ ملازمت کی صورت میں پینشن یا تنخواہ میں سے کسی ایک کا انتخاب کرنا ہوگا
پیٹرولیم مصنوعات پر 2.5 روپے فی لٹر کاربن لیوی عائد کی جائے گی، کاربن لیوی کو مالی سال 2026-27 میں بڑھا کر 5 روپے لٹر کردیا جائے گا
نان فائلرز کے لیے نقد رقم نکلوانے پر ایڈوانس ٹیکس کی شرح 0.6 سے بڑھا کر 1 فیصد کرنے کی تجویز دی گئی ،بینکوں سے کیش نکلوانے والوں کے لئے بری خبر آئی ،نان فائلر ہونگے تو ایک لاکھ پر پہلے چھ سو روپے ٹیکس کٹوتی ہوتی تھی ،اب یکم جولائی سے ایک لاکھ کیش نکلوانے پر ایک ہزار روپے ٹیکس کٹوتی ہوگی
دو اور تین پہیوں کی گاڑی کے فروغ کے لیے نئی الیکٹریکل وہیکل پالیسی متعارف کروائی ہے،اس پالیسی کا مقصد پٹرول اور ڈیزل پر چلنے والی گاڑیوں کے بجائے الیکٹرک گاڑیوں کو ترجیح دینا ہے
پالیسی کے تحت گاڑیوں کی تیاری اور فروخت کو فروغ دینے کے لیے ایک لیوی عائد کرنے کی تجویز ہے
سٹی 42 : ابھی تک موصول ہونے والی معلومات کے مطابق وزیراعظم کی زیرِصدارت اجلاس میں وفاقی کابینہ نے بجٹ تجاویز کی منظوری دے دی ہے.
ذرائع کے مطابق وزارت خزانہ نے تنخواہوں میں 6 فیصد اضافے کی تجویز پیش کی، تاہم وزیراعظم نے 6 فیصد اضافے کی تجویز مسترد کرتے ہوئے تنخواہوں میں 10 فیصد اضافے کا اعلان کردیا ۔ وزیراعظم نے کہاکہ سرکاری ملازمین کی تنخواہوں میں 10 فیصد اضافہ ہونا چاہئے ۔
علاوہ ازیں پینشن میں 7 فیصد اضافے کی بھی منظوری دے دی گئی ہے۔
ذرائع سے معلوم ہو اہے کہ وفاقی کابینہ کے اجلاس میں فنانس بل کی منظوری دے دی گئی۔
وزیراعظم کی زیرصدارت نئے مالی سال کے بجٹ کی منظوری کے لیے وفاقی کابینہ کا اہم اجلاس جاری ہے۔
کابینہ ارکان کے لیے بجٹ کی دستاویز سخت سکیورٹی میں پارلیمنٹ ہاؤس تک پہنچائی گئیں۔
اب آگے بڑھنے کا موقع آ گیا ہے؛ وزیراعظم
وفاقی کابینہ کے اجلاس سے خطاب کرتے ہوئے وزیراعظم نے کہا کہ حکومت نے مشکل حالات میں جو کارکردگی کا مظاہرہ کیا ہے وہ کامیابی سے کم نہیں ہے، بجٹ کی تیاری پر وزیر خزانہ اور ان کی ٹیم کے شکر گزار ہیں۔
وزیر اعظم نے کہا کہ اشرافیہ کو اس سوال کا جواب دینا ہوگا کہ انہوں نے کتنا ٹیکس دیا اور تنخواہ داروں نے کتنا دیا؟۔ انہوں نے کہا کہ ہمیں معاشی میدان میں بھی دشمن سے آگے نکلنا ہے، اب آگے بڑھنے کا موقع آ گیا ہے۔انہوں نے کہا کہ ہم نے جس دشمن کو شکست فاش دی ہے وہ پانی کو ہتھیار کے طور پر استعمال نہیں کر سکتا۔
شہباز شریف نے مزید کہا کہ عالمی طاقتیں فلسطین میں جنگ بندی کروائیں، فلسطین میں بے گناہ بچوں اور بچیوں کا خون بہایا جا رہا ہے۔ انہوں نے کہا کہ فلسطین اور کشمیر میں جو بربریت ہورہی ہے اس کی جتنی مذمت کی جائے کم ہے، امید ہے کہ فلسطین اور کشمیر کے عوام کو آزادی ملے گی۔
June 06, 2026
June 06, 2026
سٹی 42 : وزیراعظم شہبازشریف نے کہا ہے کہ دستیاب وسائل میں بہترین بجٹ پیش کررہے ہیں ۔
وزیراعظم کی زیرصدارت نئے مالی سال کے بجٹ کی منظوری کے لیے وفاقی کابینہ کا اہم اجلاس جاری ہے۔
وزیراعظم شہبازشریف نے کابینہ اجلاس سے خطاب کرتے ہوئے کہا کہ ملک کی معیشت بہتر ہورہی ہے، تمام اعشاریے مستحکم ہیں ۔ انہوں نے کہا کہ سرکاری ملازمین کی تنخواہوں اورپنشن میں گنجائش سے زیادہ اضافہ کررہے ۔
شہباز شریف نے کہا کہ بجٹ اجلاس کے دوران تمام وزرا ایوان میں حاضری یقینی بنائیں۔
قبل ازیں کابینہ ارکان کے لیے بجٹ کی دستاویز سخت سیکیورٹی میں پارلیمنٹ ہاؤس پہنچا دی گئی ہیں۔
یاد رہے کہ وفاقی کابینہ کے اجلاس میں بجٹ دستاویزات پیش کی جائیں گی۔ دستاویز کے مطابق آئندہ مالی سال بجٹ خسارہ جی ڈی پی کا 5 فیصد رہنے کا تخمینہ جبکہ دفاع کے لیے 2550 ارب روپے مختص کرنے کی تجویز ہے۔
ویب ڈیسک : وزیر اطلاعات و نشریات عطا اللہ تارڑ نے کہاہے کہ آئندہ مالی سال کا بجٹ بہترین بجٹ ہوگا، وزیراعظم شہبازشریف نے ہمیشہ ریلیف دینے کی بات کی ہے۔
ان خیالات کا اظہار عطا تارڑ نے پارلیمنٹ ہاؤس آمد پر صحافیوں سے گفتگو کرتے ہوئے کیا، کہاکہ ہم ڈیفالٹ کے دہانے سے اٹھ کر معاشی استحکام کی طرف آئے ہیں،، پاکستان میں مہنگائی میں کمی ہوئی اور مجموعی ترقی میں اضافہ ہوا ہے۔
وزیر اطلاعات نے کہا کہ اپوزیشن نے بھارتی جارحیت کے دوران اچھا کردار ادا کیا، اپوزیشن کی گزشتہ روز کی پریس کانفرنس دیکھ کر بہت افسوس ہو۔ انہوں نے کہا کہ اپوزیشن کے پاس معاشی اعدادوشمار نہیں تھے، یہ لوگ پاکستان کے ڈیفالٹ ہونے کی شرطیں لگاتے تھے۔
عطا تارڑ نے کہا کہ اپوزیشن کے پاس تنقید کرنے کیلئے کوئی بات نہیں ہے،اپوزیشن طرح طرح کے حیلے بہانے ڈھونڈ رہی ہے۔ انہوں نے کہا کہ اپوزیشن کو چاہئے تھا کہ وہ بجٹ سے متعلق تیاری کرلیتے۔
June 06, 2026
June 06, 2026
ویب ڈیسک : ملکی تاریخ میں پہلی بار عید کے موقع پر اقتصادی سروے جاری کیا گیا، اس اقتصادی سروے میں وزیر خزانہ محمد اورنگزیب نے بتایا کہ ایک کروڑ نوکریوں کے نعروں کے حق میں نہیں۔ آج بتاؤں گا کہ کمزور طبقے کو کس طرح ریلیف دے سکتے ہیں۔
وزیر خزانہ نے اپنے بیان میں کہا کہ معیشت میں بتدریج بہتری آنے لگی ہے اور درست سمت میں جا رہے ہیں۔ رواں مالی سال معیشت کی شرح نمو 2.7 فیصد رہی اور مہنگائی میں اضافے کی شرح ریکارڈ کم ہوئی جب کہ شرح سود 22 سے گر کر 11 فیصد پر آگئی۔ انہوں نے کہا کہ لیکج نہیں روکیں گے تو معاشی نظام بہتر کیسے ہوگا۔ سب سے پہلے مسائل کو جڑ سے اکھاڑنا ہے۔ آئی ایم ایف پروگرام کا مقصد پائیدار معاشی استحکام ہے۔ اصلاحات کا عمل جاری رہے گا۔
محمد اورنگزیب نے بتایا کہ کرنٹ اکاؤنٹ سرپلس تقریباً 2 ارب ڈالر ہوگیا۔ دو سال میں ترسیلات زر میں 10 ارب ڈالر اضافہ ہوا۔ ٹیکس فائلر کی تعداد دگنی ہوگئی اور ٹیکس وصولی میں 26 فیصد اضافہ ہوا۔ جی ڈی پی کے تناسب سے ٹیکس وصولی پانچ سال کی بلند ترین سطح پر آگئی ہے۔ انہوں نے کہا کہ گاڑیوں کی صنعت میں 40، خدمات میں 2.9، فوڈ سروسز میں 2.1، زراعت میں 0.6 فیصد اضافہ ہوا۔
انہوں نے کہا کہ بڑی فصلوں کی پیداوار 13.5 فیصد سے کم رہی اور تعمیراتی شعبے میں 6.6 فیصد اضافہ ہوا تاہم لارج اسکیل مینوفیکچرنگ میں کمی آئی۔ وزیر خزانہ نے بتایا کہ توانائی سیکٹر اصلاحات سے ریکوری تاریخی رہی۔ 43 وزارتوں اور 400 ملحقہ اداروں میں ملازمین کی تعداد کم کریں گے۔ پاسکو کرپشن کا گڑھ تھا اسے ختم کرنے جارہے ہیں۔ فوڈ اسٹوریج سے آڑھتی کا کردار ختم کر دیا جائے گا، جس سے کسان کو اس کی فصل کی بہتر قیمت ملے گی۔
واضح رہے کہ مالی سال 26-2025 کے لیے وفاقی بجٹ آج شام پیش کیا جائے گا۔ وفاقی وزیر خزانہ محمد اورنگزیب قومی اسمبلی میں بجٹ پیش کریں گے۔
ویب ڈیسک : وفاقی بجٹ 2025-26 کی تجاویز کی منظوری کیلئے وفاقی کابینہ کا اجلاس جاری ہے۔
وزیراعظم کی زیرصدارت نئے مالی سال کے بجٹ کی منظوری کے لیے وفاقی کابینہ کا اہم اجلاس جاری ہے۔ کابینہ ارکان کے لیے بجٹ کی دستاویز سخت سیکیورٹی میں پارلیمنٹ ہاؤس پہنچا دی گئی ہیں۔
وفاقی کابینہ کے اجلاس میں بجٹ دستاویزات پیش کی جائیں گی۔ دستاویز کے مطابق آئندہ مالی سال بجٹ خسارہ جی ڈی پی کا 5 فیصد رہنے کا تخمینہ جبکہ دفاع کے لیے 2550 ارب روپے مختص کرنے کی تجویز ہے۔
ذرائع کا کہنا ہے کہ آئندہ مالی سال مجموعی اخراجات 17 ہزار 573 ارب روپے رہنے کا تخمینہ ہے، مجموعی وفاقی ریونیو کا ہدف 19298 ارب روپے رکھنے کی تجویز ہے۔
ایف بی آر ٹیکس وصولی کا ہدف 14131 ارب رکھنے جبکہ نان ٹیکس ریونیو کا ہدف 5167 ارب روپے رکھنے کی تجویز ہے، صوبوں کو محاصل کی منتقلی کا تخمینہ 8206 ارب روپے ہوگا۔
June 06, 2026
June 06, 2026
ویب ڈیسک: وفاقی بجٹ مالی سال 26-2025ء آج شام پانچ بجے اسپیکر سردار ایاز صادق کی زیر صدارت قومی اسمبلی میں پیش کیا جائے گا۔ وفاقی وزیر خزانہ سینیٹر محمد اورنگزیب ایوان میں بجٹ دستاویزات پیش کریں گے۔
اجلاس کے آغاز میں تلاوت، حدیث، نعت رسول مقبول ﷺ اور قومی ترانہ ایجنڈے کا حصہ ہوں گے۔ بجٹ اجلاس کے لیے اسپیکر کی زیر صدارت پارلیمانی رہنماؤں کا مشاورتی اجلاس بھی طلب کر لیا گیا ہے۔
ذرائع کے مطابق آئندہ مالی سال کا وفاقی بجٹ تقریباً 18 ہزار ارب روپے کا ہو گا، جس میں 2 ہزار ارب روپے کے نئے ٹیکس لگائے جانے کی تجاویز شامل ہیں۔
بجٹ میں ٹیکس ریونیو کا ہدف 14,131 ارب روپے جبکہ نان ٹیکس ریونیو کا ہدف 5,167 ارب روپے تجویز کیا گیا ہے۔ مجموعی محصولات کا ہدف 19,298 ارب روپے ہو سکتا ہے۔
بجٹ خسارہ 5 فیصد تک رہنے کا امکان ہے جو کہ 6,501 ارب روپے بنتا ہے جبکہ غیر ترقیاتی اخراجات کا تخمینہ 16,286 ارب روپے لگایا گیا ہے۔
بجٹ میں قرضوں پر سود کی ادائیگی میں 8,207 ارب روپے، دفاعی بجٹ 2,550 ارب روپے، وفاقی ترقیاتی بجٹ 1,000 ارب روپے، سبسڈیز 1,186 ارب روپے، پنشن 1,055 ارب روپے، سول حکومت اخراجات 971 ارب روپے، سرکاری ملازمین کی تنخواہوں میں 10 فیصد اضافے اور پنشنرز کے لیے بھی 10 فیصد اضافے کی تجویز ہے جبکہ گریڈ 1 تا 16 کے ملازمین کے لیے 30 فیصد ڈسپیرٹی الاؤنس کی تجویز دی گئی ہے۔
پیٹرولیم لیوی کو 78 روپے سے بڑھا کر 100 روپے فی لیٹر کرنے کی تجویز ہے جس سے 1,300 ارب روپے حاصل ہونے کی امید ہے۔
نان فائلرز کے لیے جی ایس ٹی 18 سے بڑھا کر 20 فیصد کرنے، اور بینک سے 50 ہزار سے زائد کیش نکلوانے پر ٹیکس کو 0.6 فیصد سے بڑھا کر 1.2 فیصد کرنے کی تجویز بھی شامل ہے۔
ذرائع کے مطابق یوٹیوبرز، فری لانسرز اور ریٹیلرز کے لیے بھی ٹیکس اقدامات سخت کیے جانے کا امکان ہے۔ تمام تجاویز آئی ایم ایف کی شرائط کو مدنظر رکھ کر دی گئی ہیں۔
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025
10 Jun, 2025