ویب ڈیسک : سندھ حکومت نے پاکستان تحریک انصاف (پی ٹی آئی) کی جانب سے باغ جناح کے بجائے سڑک پر جلسہ کرنے پر ایکشن لینے کا اعلان کر دیا ہے۔
وزیر داخلہ سندھ ضیا الحسن لنجار نے میڈیاسے گفتگو میں کہا کہ پی ٹی آئی کو سڑک پر جلسہ کرنے کی اجازت نہیں ہے، کسی بھی سڑک پر جلسہ ہوگا تو حکومت سخت ایکشن لے گی،سندھ حکومت نے پی ٹی آئی کو جہاں جلسے کی اجازت دی ہے وہیں کرے، ہم ابھی تک پی ٹی آئی کے ساتھ تعاون کر رہے ہیں،حکومت کی رٹ کو چیلنج نہیں کرنے دیں گے۔باغ جناح میں پی ٹی آئی کو جلسہ کرنیکی اجازت ہے۔ سڑک پر جلسہ نہیں ہوگا۔
خیال رہے کہ صوبائی حکومت نے پی ٹی آئی کو باغ جناح میں جلسہ کرنے کی باضابطہ اجازت آج شام میں دی ہے لیکن سیاسی جماعت کا مؤقف ہے کہ تاخیر سے این او سی ملنے کی وجہ سے جلسے کیلیے انتظامات نہیں کر سکتے۔
پی ٹی آئی سندھ کے صدر حلیم عادل شیخ نے اپنے بیان میں کہا کہ اب ہم باغ جناح میں جلسہ نہیں کریں گے بلکہ مزار قائد کے گیٹ کے سامنے جلسہ ہوگا.
پی ٹی آئی کے رہنما راجہ اظہر کی سٹی ٹوئینٹی ون نیوز سے خصوصی گفتگو کرتے ہوئے کہا پی ٹی آئی کا جلسہ باغ جناح میں آج ہوگا ۔جلسہ کی جگہ کی این او سی بہت دیر سے ملی ہے۔وقت بہت کم ہے کینٹینر بھی بلوائے ہیں
کپتان کی تصویر جہاں ہوگی جلسہ وہی ہوگا۔دیر سے این او سی ملنے کی وجہ سے وقت کمُ ہے اور مقابلہ سخت ہے۔