قیصر کھوکھر:  پنجاب زکوٰۃ کونسل نے رواں مالی سال کے لیے زکوٰۃ کا بجٹ منظور کر لیا ہے۔

منظور شدہ بجٹ کا حجم 8 ارب روپے رکھا گیا ہے، جس کے تحت مستحق افراد کو ماہانہ 2 ہزار روپے گزارا الاؤنس فراہم کیا جائے گا۔

 اس کے علاوہ مستحق خاندانوں کی بچیوں کے لیے 50 ہزار روپے جہیز فنڈ بھی دیا جائے گا۔ محکمہ زکوٰۃ نے حق دار افراد کی فہرستوں کو اپ ڈیٹ کرنے کا عمل شروع کر دیا ہے، جسے حتمی شکل دینے کے بعد صوبے بھر میں زکوٰۃ کی تقسیم کا باقاعدہ آغاز کیا جائے گا۔

 حکام کا  کہنا تھا کہ اس اقدام کا مقصد مستحق اور نادار افراد کی مالی معاونت کو یقینی بنانا اور شفاف طریقے سے زکوٰۃ کی تقسیم کرنا ہے۔