سٹی 42: لاہور آلودہ ترین شہروں کی فہرست میں ٹاپ پر، شہر کا مجموعی ائیر کوالٹی انڈیکس 189 ریکارڈ، شہر کی آب و ہوا آلودہ ہونے پر سانس اور دیگر بیماریاں پیدا ہونے کا خدشہ، محکمہ ماحولیات نے خبردار کردیا۔
تفصیلات کے مطابق لاہور پاکستان کے آلودہ ترین شہروں میں ٹاپ پر ہے، شہر میں مجموعی طور پر ائیر کوالٹی انڈیکس 189 ریکارڈ کیا گیا ہے۔ ائیرکوالٹی انڈیکس بڑھنے سے شہر کی فضا آلودہ اور بیماریوں کے جنم لینے کا خدشہ پیدا ہوگیا ہے۔عسکری ٹین میں فضا آلودہ ترین، ائیر کوالٹی انڈیکس 259 ریکارڈ، گلبرگ 258، کینٹ 252، ماڈل ٹاون 228، ڈیفنس 215 جبکہ شادمان میں 198 ائیر کوالٹی انڈیکس ریکارڈ کیا گیا ہے، محکمہ ماحولیات کیجانب سے شہریوں کو گھروں سے باہر نکلتے وقت احتیاطی تدابیر اختیار کرنے کی ہدایات جاری کی گئیں ہیں۔