ویب ڈیسک:بلوچستان کے ضلع قلات میں نامعلوم افراد کی فائرنگ سے قبائلی رہنما سمیت 4 افراد جان کی بازی ہار گئے۔
پولیس کے مطابق یہ افسوسناک واقعہ قلات کی تحصیل خالق آباد کے علاقے سربند میں پیش آیا جہاں قبائلی رہنما شاکر سعداللہ لانگو کی گاڑی کو نشانہ بنایا گیا، جاں بحق افراد میں شاکر خیراللہ لانگو، محمد کریم اور محمد ظاہر بھی شامل ہیں، لیویز نے علاقے کو گھیرے میں لے کر تحقیقات شروع کر دیں۔
اس سے قبل ہفتے کو قلات کے علاقے منگچر میں دو گروہوں میں فائرنگ کا تبادلہ ہوا تھا جس کے نتیجے میں 3 افراد جاں بحق ہوئے، فائرنگ سے بعض افراد زخمی بھی ہوئے جنہیں فوری طبی امداد کیلئے ہسپتال منتقل کردیا گیا ہے جبکہ واقعے کے بعد ملزمان فرار ہوگئے جن کی تلاش جاری ہے۔