سٹی42:مسلم لیگ ن کے قائد اور سابق وزیراعظم میاں محمد نوازشریف نے وزیر اعظم شہبازشریف کو جلد کابینہ تشکیل دےکر منشور پر عمل درآمد شروع کرنے کی ہدایت کردی۔

مسلم لیگ ن کے قائد نوازشریف کی زیر صدارت اہم اجلاس منعقد ہوا جس میں وزیر اعظم شہباز شریف سمیت ن لیگ کی سینئر قیادت نے شرکت کی۔

ذرائع کے مطابق قائد مسلم لیگ ن  نے کہا کہ صدارتی انتخاب کا مرحلہ آج مکمل ہو جائے گا، وزیراعظم آپ جلد کابینہ تشکیل دیں، ہمیں پہاڑ جیسے چیلنجوں کا سامنا ہے ، عوام کو ہم سے بہت توقعات ہیں ، مہنگائی میں کمی ناگزیر ہے۔

ذرائع کا بتانا ہے کہ اجلاس میں پیپلز پارٹی کو بھی وفاقی کابینہ میں شامل کرنے پر مشاورت کی گئی ، وزیر اعظم شہباز شریف نے کہا کہ آصف زرداری کے صدر منتخب ہونے کے بعد ان سے پھر گزارش کروں گا۔

جبکہ دوسری جانب غیر رسمی مشاورت میں اہم قومی و سیاسی امور پر تبادلہ خیال بھی کیا گیا۔