ویب ڈیسک : سندھ حکومت کی جانب سے سرکاری ملازمین کی تنخواہوں میں اضافے کا باقاعدہ نوٹیفکیشن جاری کر دیا گیا ۔

جاری کردہ نوٹیفکیشن کے مطابق گریڈ 1 سے 16 تک کے ملازمین کی تنخواہوں میں 12 فیصد اضافہ کیا گیا ہے، جبکہ گریڈ 17 سے 22 کے افسران کی تنخواہوں میں 10 فیصد اضافہ منظور کیا گیا ہے، یہ اضافہ مالی سال 2025-26 کے بجٹ کے تحت کیا گیا ہے۔

 نوٹیفکیشن کے اجرا کے بعد یہ اضافہ یکم جولائی 2025 سے نافذ العمل ہوگا۔ دوسری جانب پنشن میں 8 فیصد تک اضافہ کیا گیا ہے۔

 واضح رہے کہ وزیراعلیٰ سندھ سید مراد علی شاہ نے 13 جون کو صوبائی اسمبلی میں 3451 ارب روپے کا بجٹ پیش کیا تھا، جس میں تنخواہوں اور پنشن میں اضافے کا اعلان کیا گیا تھا۔ بجٹ پیش کیے جانے سے قبل سندھ کابینہ کے اجلاس میں بھی اس فیصلے کی منظوری دی گئی تھی۔