سٹی 42: پی پی 167 صوبائی اسمبلی کے عرفان شفیع کھوکھر کے انتقال کے بعد خالی سیٹ پر انتخاب پر جماعت اسلامی کے امیدوار چوہدری عبدالقیوم گجر کے وکیل اعجاز الحسن غوری کاغذات نامزدگی جمع کروانے سے قبل مبینہ طور پر اغوا ہوگئے ۔
امیر جماعت اسلامی لاہور ضیاء الدین انصاری ایڈووکیٹ کی آر او سے ملاقات ہوئی ۔جماعت اسلامی لاہور کے ڈپٹی سیکرٹریز قیصر شریف ، عبدالعزیز عابد ، ڈاکٹر محمود خان اور دیگر بھی ہمراہ تھے۔
امیر جماعت اسلامی لاہور ضیاء الدین انصاری ایڈووکیٹ نے پی پی 167 انتخابات کے معاملے کو عدالت اور الیکشن کمیشن میں لیجانے کا اعلان کردیا
امیر جماعت اسلامی لاہور ضیاء الدین انصاری ایڈووکیٹ نے کہا جماعت اسلامی عبدالقیوم چوہدری گجر کے وکیل کو کاغذات نامزدگی جمع کروانے کیلئے اغواء کیا گیا ۔ صوبائی حکومت کی فسطائیت آج ضمنی انتخابات کے کاغذات جمع کروانے کے موقع پر سامنے آئی ہے ۔حکومتی پارٹی اپنے امیدوار کو بلا مقابلہ منتخب کروانے کیلئے غنڈہ گردی اور دھونس کا رویہ اپنائے ہوئے ہے ۔ پنجاب پولیس ن آج صوبائی اسمبلی کے امیدوار کے وکیل کو اغوا کرکے مصطفی ٹاؤن تھانے میں لے گئی ۔جماعت اسلامی کی قیادت فوری طوری پر ریٹرنگ آفیسر کے دفتر پہنچی تو اغواکار پولیس اہلکاروں نے مغوی وکیل کو رہا کیا ۔
امیر جماعت اسلامی لاہور نے کہا کہ ہم اس فسطائیت کی سڑکوں پر بھی اور عدالت میں بھی مزمت کریں گے ۔ عبدالقیوم چوہدری کے وکیل اعجاز الحسن غوری کے اغوا کا مقصد کاغذات نامزدگی جمع کروانے سے روکنا تھا ۔ آر او آفس کے قبل ازوقت تمام دروازے بند کردیے گئے ۔ کاغذات نامزدگی جمع کروانے آنے والے تمام افراد کو ریٹرننگ آفس داخل ہونے سے روک دیا گیا ۔
صرف حکومتی من پسند امیدواران کے کاغذات جمع کیے گئے ۔آج آر او آفس کے باہر پنجاب حکومت نے فسطائیت کی ایک اور مثال قائم کردی ہے ۔ حکومت پنجاب اور پنجاب پولیس کے اس غیر جمہوری رویے کی مزمت کرتے ہیں ۔پنجاب پولیس شاہ سے زیادہ شاہ کی وفادار بننے کی کوشش نہ کرے ۔ بلدیاتی امیدواران کے ساتھ توہین آمیز رویہ برداشت نہیں کیا جائے گا۔