(ویب ڈیسک)سیالکوٹ میں معمر خاتون پر لاتوں اور ڈنڈوں سے تشدد کیا گیا جس کی ویڈیو وائرل ہوگئی پولیس نے کوٹلی سید امیر میں چند روز قبل پیش آئے واقعے کا مقدمہ درج کرلیا ہے۔
تفصیلات کے مطابق سیالکوٹ میں زمین کے تنازع پر معمر خاتون پر تشدد کی ویڈیو وائرل ہوئی ہے، یہ واقعہ کوٹلی سید امیر میں چند روز قبل پیش آیا۔ویڈیو میں دیکھا جاسکتا ہے کہ خاتون کو بالوں سے پکڑ کر گھسیٹا گیا اور اس پر سرعام ڈنڈوں سے تشدد کیا گیا۔پولیس نے معمر خاتون پر تشدد کے واقعے کا مقدمہ درج کرلیا ہے اور ملزمان کی گرفتاری کے لیے کارروائیاں کی جارہی ہیں۔
⚠️???? SIALKOT: Footage of an elderly woman being dragged by her hair and tortured in Kotli Syed Amir area ???? pic.twitter.com/b0Byew2i6a
— Showbiz & News (@ShowbizAndNewz) January 9, 2022
واضح رہے کہ گزشتہ روز بھی اقبال ٹاؤن کی علاقے رچنا بلاک میں مالکن کا دو کم سن گھریلو ملازمہ پر تشدد کا واقعہ سامنے آیا تھا، رچنا بلاک اقبال ٹاؤن کی علاقے میں گھر کی مالکن علینا نے دو گھریلو ملازموں پر تشدد کیا تھا۔ پولیس نے دونوں کم سن گھریلو ملازمہ بچیوں کو بازیاب کروا کر والدہ کے حوالے کردیا تھا۔ پولیس کا کہنا تھا کہ متاثرہ بچیوں کی والدہ ثمینہ بی بی کی مدعیت میں گھر کی مالکن علینا کی خلاف مقدمہ درج کرلیا گیا ہے۔