ویب ڈیسک:جڑواں شہروں میں میٹرو بس سروس بحال کر دی گئی۔
اس حوالے سے انتظامیہ کا کہنا ہے کہ میٹرو بس سروس صدر راولپنڈی سے پاک سیکریٹریٹ تک چل رہی ہے۔
انتظامیہ نے کہا ہے کہ راولپنڈی میں گرین بس سروس بھی بحال کر دی گئی ہے۔
واضح رہے کہ گزشتہ روز انتظامیہ کی جانب سے میٹرو بس سروس دو روز کے لیے معطل کی گئی تھی۔
ذرائع کے مطابق پاکستان تحریک انصاف کے ممکنہ احتجاج کے باعث میٹرو بس سروس معطل کرنے کا اعلان کیا گیا تھا۔