سٹی 42: لالی وڈ انڈسٹری کے نامور گلوکار اداکار علی ظفر نے بھی لاہور میں ہونے والی سموگ کو خطرناک قرار دے دیا ۔گلوکار اداکار علی ظفر  کہتے ہیں کہ سموگ نے خوبصورت شہر کو میلا کردیا ہے۔

 سموگ پر گلوکار اداکار علی ظفر بھی بول پڑے ۔کہتے ہیں کہ کافی عرصہ ملک سے باہر رہا اب لاہور آیا ہوں تو یہاں سانس لینا مشکل ہوا ہے ۔میں سیگریٹ نہیں پیتا لیکن اس سموگ کی وجہ سے دس سے پندرہ سیگریٹ پینے کا نقصان اٹھانا پڑرہا ہے ۔علی ظفر کا کہنا ہے کہ سموگ کی وجہ سے بچوں کے پھیپھڑے تو خراب ہو ہی رہے ہیں لیکن ساتھ ساتھ بہت سی بیماریاں بھی پھیل رہیں ہیں ہمیں حکومت کے ساتھ مل کر اپنے خوبصورت شہر لاہور کو صاف ستھرا کرنا ہے

Lahore Smog is indeed a sad sad phenomenon with serious implications. It needs serious and prompt measures as it can effect children and adults with irreparable life long damage. #smog #Lahore https://t.co/vpdl4yyO0f

— Ali Zafar (@AliZafarsays) December 9, 2021

گلوکار اداکار علی ظفر  کامزید کہنا تھا کہ  سردیوں کا انتظار رہتا تھا کہ دھوپ میں بیٹھیں گے انجوائے کریں گے لیکن اب لاہور نے تو دہلی کو بھی پیچھے چھوڑ دیا ہے ۔علی ظفر نے معروف صحافی اینکر پرسن حامد میر کے ٹویٹ پر سموگ کے حوالے سے ری ٹویٹ بھی کیا۔