سٹی 42 : سلمان اکرم راجہ نے علی امین کو وزارت اعلیٰ سے ہٹائے جانے کی تصدیق کر دی۔
اڈیالہ جیل کے باہر میڈیا سے گفتگو کرتے ہوئے سلمان اکرم راجہ نے کہاکہ یہ بات درست ہے علی امین گنڈاپور کو وزارت اعلیٰ سے ہٹایا گیا ہے۔ انہوں نے بتایا کہ سہیل آفریدی کو خیبرپختونخوا کا نیا وزیراعلیٰ نامزد کیا گیاہے۔
واضح رہے کہ پاکستان تحریک انصاف کے بانی عمران خان نے وزیراعلیٰ خیبرپختونخوا علی امین گنڈا پور کو تبدیل کرنے کا فیصلہ کیا۔
سٹی42: گورنر خیبر پختونخوا فیصل کریم کنڈی نے کہا ہے کہ پی ٹی آئی کی طرف سے جس سہیل آفریدی کو وزیراعلیٰ کے عہدے کیلئے نامزد کرنے کا بتایا جا رہا ہے وہ اتنے قابل نہیں، صوبہ ان کا متحمل نہیں ہوسکتا۔ پی ٹی آئی نے فیصلہ کیا ہے دیکھتے ہیں وہ فیصلے بدلتے بھی رہتے ہیں، علی امین کا استعفیٰ آیا تو اسے آئین اور قانون کے مطابق دیکھیں گے۔
خیبر پختونخوا کے گورنر فیصل کریم کنڈی نے کہا کہ جو آئین کہتا ہے اس کے مطابق عمل کریں گے۔ ابھی تک وزیراعلیٰ کا استعفیٰ نہیں آیا، علی امین گنڈاپور کا استعفیٰ آیا تو اسے آئین اور قانون کے مطابق دیکھیں گے۔
استعفیٰ ملا تو تمام قانونی اور آئینی نکات کو دیکھ کر دستخط کروں گا۔ اگر استعفے میں کوئی غلطی ہوئی تو واپس بھیجوں گا، استعفیٰ قبول کیا تو پھر آئین اور قانون کے مطابق اسمبلی کا اجلاس بلائیں گے۔
گورنر خیبر پختونخوا نے کہاوزیراعلیٰ تو پہلے ہی عہدے سے ہٹ جاتے لیکن اڈیالہ جیل میں ملاقات کیے بغیر واپس آتے تھے۔
گورنر فیصل کریم کنڈی نے کہا میں نے کہہ دیا تھا کہ پی ٹی آئی میں میر جعفر میرصادق موجود ہیں، انھیں (علی امین گنڈاپور کو) دیر سے پتہ چلا۔
گورنر فیصل کریم کنڈی نے کہا کہ علی امین گنڈاپور دو کشتیوں کے سوار تھے، کبھی کہتے ریاست کے ساتھ ہیں کبھی کہتے تھے دہشت گردوں کے ساتھ ہیں۔
پی ٹی آئی کے بانی چئیرمین کے سہیل آفریدی کو خیبر پختونخوا کا وزیر اعلی کا امیدوار نامزد کرنے کے حکم کے متعلق گورنر فیصل کریم کنڈی نے کہا، پی ٹی آئی کے نئے نامزد وزیر اعلیٰ بھی اتنے قابل نہیں، صوبہ ان کا متحمل نہیں ہوسکتا۔ انھوں نے کہا پی ٹی آئی نے فیصلہ کیا ہے دیکھتے ہیں وہ فیصلے بدلتے بھی رہتے ہیں۔ اپنے لائحہ عمل کے متعلق فیصل کرین کنڈی نے واضح کیا کہ وہ آئین کی پیروی کریں گے، جو آئین کہتا ہے اس کے مطابق اسمبلی کا اجلاس بلائیں گے۔
گورنرفیصل کریم کنڈی نے کہا کہ اپوزیشن کے پاس بھی اچھی تعداد ہے، دیکھتے ہیں وہ کیا کرتی ہے، کل تک وزیر اعلیٰ اپنے وزیروں و مشیروں کو کرپشن پر نکال رہے تھے، آج وزیراعلی علی امین خود نکالے گئے۔
October 10, 2026
October 10, 2026
سٹی42: خیبر پختونخوا میں پاکستان کے خلاف بھارت کی پیچیدہ پراکسی جنگ کے دوران پی ٹی آئی کے بانی چئیرمین نے اڈیالہ جیل سے خیبر پختونخوا کے وزیراعلیٰ علی امین گنڈاپور کو "برطرف" کرنے اور سہیل آفریدی کو وزیراعلیٰ بنانے کا حکم بھیج کر نیا پینڈورا بکس کھول دیا ہے۔ اب سوال کیا جا رہا ہے کہ سہیل آفریدی کون ہے اور اس کی کون سی صلاحیت کی وجہ سے پی ٹی آئی کے بانی نے اسے وزیر اعلیٰ بنانے کا حکم دیا ہے۔
بانی کا نامزد سہیل آفریدی کون ہے
سہیل آفریدی کا تعلق خیبر پخنتوخوا کے سابق قبائل علاقہ اور موجودہ قبائلی ضلع خیبر سے ہے۔ وہ پی ٹی آئی کے سٹوڈنٹ ونگ کا مقامی لیڈر تھا اور 2024 کے انتخابات میں پہلی بار ضلع خیبرسے رکن صوبائی اسمبلی منتخب ہوا۔
سہیل آفریدی" انصاف اسٹوڈنٹس فیڈریشن" خیبر پختونخوا کے صدر رہنے کے ساتھ پی ٹی آئی کی سنٹرل ایگزیکٹو کمیٹی کے رکن بھی رہے۔
2024 کے الیکشن کے بعد علی امین گنڈاپور نے اسے اپنا معاون خصوصی برائے کیمونی کیشن اینڈ ورکس بنایا۔ حال ہی میں وزیراعلیٰ علی امین گنڈاپور نے صوبائی کابینہ میں رد و بدل کیا تو سہیل آفریدی کو ہائر ایجوکیشن کا وزیربنایا تھا۔ یہ ان کی پہلی بڑی اسائنمنٹ تھی۔ ہائر ایجوکیشن کے ڈیپارٹمنٹ کو صوبہ کے انتظام و انصرام میں انتہائی غیر اہم اور معمولی نوعیت کی وزارت سمجھا جاتا ہے۔
آج اچانک اڈیالہ جیل میں دو سال سے قید پی ٹی آئی کے بانی نے ان سہیل آفریدی کو آج اچانک خیبر پختونخوا کا وزیر اعلی بنانے کا حکم دے دیا ہے تو یہ سوال ہر جگہ ڈسکس کیا جا رہا ہے کہ سہیل آفریدی کون ہے اور اس میں ایسی کون سی خاص خوبی ہے کہ اسے جنگ زدہ صوبہ کا وزیراعلیٰ بنا دیا جائے۔
سٹی42: پی ٹی آئی کے سیکرٹری جنرل سلمان اکرم راجا نے دعویٰ کیا ہے کہ آج اورکزئی میں فوجی جوانوں کی شہادت پر عمران خان نے گنڈاپور کو ہٹانے کا فیصلہ کیا۔ علی امین گنڈاپور اس صورتحال کے ذمہ دار ہیں انہیں وزیراعلیٰ کے عہدے پر مزید نہیں رہنا چاہیے۔بانی چاہتےہیں کہ پختونخوا حکومت خود کو "جنگ و جدل کی پالیسی"سےدور کرے۔
سلمان اکرم راجا نے اڈیالہ جیل کے باہر صحافیوں کے ساتھ باتیں کرتے ہوئے کہا کہ عمران خان کے مطابق کے پی میں صورتحال اس قدر خراب ہوچکی ہے کہ قابو سے باہر ہے اور علی امین گںڈاپور کو ہٹادینا بہتر ہے۔
سلمان اکرم راجا نے کہا کہ عمران خان نے کے پی میں فوج پر آج بڑے حملے پر دکھ کا اظہار کیا ہے اور کہا کہ علی امین گنڈاپور اس صورتحال کے ذمہ دار ہیں انہیں وزیراعلیٰ کے عہدے پر مزید نہیں رہنا چاہیے۔خیبر پختونخوا میں نیا آغاز ہو گا، نئی پالیسی دیں گے۔
اڈیالہ جیل کے باہر صحافیوں کے سوالوں کے جواب میں سلمان اکرم راجا نے کہا کہ بانی نے وزیراعلیٰ کے پی کو عہدے سے ہٹانے اور ایم پی اے سہیل آفریدی کو وزیراعلیٰ نامزد کرنے کا حکم دیا ہے۔
سلمان راجا نے مزید کہا کہ آج عمران خان نے کے پی میں فوج پر بڑے حملے پر دکھ کا اظہار کیا اور کہا کہ علی امین گنڈاپور اس صورتحال کے ذمہ دار ہیں اور وہ سمجھتے ہیں علی امین کو مزید اس عہدے پر نہیں رہنا چاہیے۔
انہوں نے کہا کہ بانی کے مطابق کے پی میں صورتحال اس قدر خراب ہوچکی ہے کہ قابو سے باہر ہے اور علی امین گںڈاپور کو عہدے سے ہٹادینا بہتر ہے۔
سلمان راجا نے کہا کہ بانی نے یہ کہا ہے کہ میرا سوا دوسال سے یہی اصرار ہے کہ وفاقی حکومت کا جو طریقہ ہے اور انہوں نے جو پالیسی بنائی ہوئی ہے وہ ایک دم غلط ہے، کے پی حکومت خود کو اس پالیسی سے دور کرے۔ یہ پالیسی جنگ و جدل کی پالیسی ہے اس تمام عرصے میں ہم نے بار بار کہا کہ جب تک تمام سٹیک ہولڈر کو شامل نہیں کیا جائےگا، تب تک خیبر پختونخوا سمیت پورے پاکستان میں امن نہیں ہوگا۔
October 10, 2026
October 10, 2026
سٹی 42 : پی ٹی آئی کے چئیرمین بیرسٹر گوہر نے کہا ہے کہ بانی کی واضح ہدایت ہے کہ تمام فیصلے پارٹی چیئرمین کی منظوری سے کیے جائیں۔ ہمیں بانی کی ہدایات موصول ہو چکی ہیں، اور پارٹی میں تمام فیصلے انہی کی مشاورت سے کیے جاتے ہیں۔ علی امین گنڈاپور استعفیٰ مجھے نہیں بلکہ طریقہ کار کے مطابق گورنر کو ہی دیں گے۔
بانی تحریک انصاف نے آج وزیراعلیٰ علی امین کی تبدیلی کا فیصلہ کیا ہے، اگر کسی صوبے میں حکومت میں تبدیلی یا کوئی اہم اقدام ہو رہا ہے تو وہ بانی پی ٹی آئی کی ہدایت کے مطابق ہی ہوگا۔
بیرسٹر گوہر نے اپنے ایک بیان میں کہا ہے کہ بانی کی واضح ہدایت ہے کہ تمام فیصلے پارٹی چیئرمین کی منظوری سے کیے جائیں۔ ہمیں بانی کی ہدایات موصول ہو چکی ہیں، اور پارٹی میں تمام فیصلے انہی کی مشاورت سے کیے جاتے ہیں۔
بیرسٹر گوہر نے کہا کہ آئین کے آرٹیکل 130(8) کے مطابق، اگر کسی وزیرِ اعلیٰ کو استعفیٰ دینا ہو تو وہ گورنر کو دیا جاتا ہے۔ میں خود اس بات کا مجاز نہیں کہ کسی کا استعفیٰ منظور یا مسترد کروں۔ انہوں نے کہا کہ خان صاحب نے یہ بھی فرمایا ہے کہ اگر کوئی تبدیلی ہو تو اسے آئینی تقاضوں کے مطابق انجام دیا جائے۔
بیرسٹر گوہر نے کہا کہ میں خود تمام اقدامات کی نگرانی کر رہا ہوں اور جو بھی اقدام ہوگا، وہ بانی کی اجازت سے ہی عمل میں آئے گا۔ کبھی کبھار سیاسی عمل میں کوتاہیاں ہو جاتی ہیں، تنقید بھی ہوتی ہے، لیکن بانی نے کہا ہے کہ فیصلے ہمیشہ مشاورت سے کیے جائیں اور ان پر پوری طرح عمل درآمد کیا جائے۔
بیرسٹر گوہر نے مزید کہا کہ میں نے تمام ساتھیوں سے بات کی ہے اور سب کا مؤقف یہی ہے کہ پارٹی نظم و ضبط اور قیادت کے فیصلوں پر مکمل عمل کیا جائے۔ ہدایات ہمارے پاس پہنچ چکی ہیں، اور ہم وہی قدم اٹھائیں گے جو بانی چیئرمین کی جانب سے ہوگا۔
ویب ڈیسک :خیبر پختونخوا کے وزیراعلیٰ علی امین گنڈا پور نے صوبے کی وزارت اعلیٰ سے مستعفی ہونے کا اعلان کردیا۔
علی امین گنڈا پور نے کہا کہ بانی پی ٹی آئی کے حکم پر وزارت اعلیٰ کے عہدے سے مستعفی ہو رہا ہوں، ہم بانی پی ٹی آئی کی رہائی اور پارٹی پالیسی کے لیے ایک ہو کر آگے بڑھیں گے۔
علی امین گنڈاپور نے مزید کہا کہ سہیل آفریدی کو میری مکمل حمایت اور سپورٹ حاصل رہےگی۔
واضح رہے بانی پی ٹی آئی نے علی امین گنڈا پور کو وزارت اعلیٰ سے ہٹانے اور سہیل آفریدی کو وزیر اعلیٰ خیبر پختونخواہ بنانے کا حکم دیا ہے ۔ ابھی علی امین گنڈاپور سے استعفیٰ لیا گیا ہے جو گورنر کو بجھوایا جائے گا ۔
اس کے بعد وزارت اعلیٰ کا انتخاب الگ سے ہوگا جس پر پی ٹی آئی سہیل آفریدی کو نامزد کرے گی اور ووٹ کرے گی
October 10, 2026
October 10, 2026
ویب ڈیسک: وزیر اعلیٰ خیبرپختونخوا کو ان کے عہدے سے ہٹائے جانے کے فیصلے کی خبروں کے بعد علی امین گنڈا پور کا ردعمل سامنے آگیا۔
خیبر پختونخوا کے وزیر اعلیٰ علی امین گنڈا پور نے کہا کہ انہیں ابھی وزارت اعلیٰ چھوڑنے کی کوئی باضابطہ اطلاع نہیں دی گئی، وزارت اعلیٰ پارٹی اور عمران خان کی امانت ہے، جب کہیں گے چھوڑ دوں گا۔
علی امین گنڈاپور نے کہا کہ جب مجھے کہا جائے گا کہ وزارت اعلیٰ چھوڑ دو تو اس کی تعمیل کروں گا،انہوں نے کہا کہ بانی پی ٹی آئی سے اڈیالہ جیل میں رہنماؤں کی ملاقات جاری ہے،ملاقات کے بعد پارٹی رہنما صورتحال واضح کر دیں گے۔
8 Oct, 2025
8 Oct, 2025
8 Oct, 2025
8 Oct, 2025
8 Oct, 2025
8 Oct, 2025