عابد چودھری: قائد اعظم انڈسٹریل اسٹیٹ فیکٹری میں لاکھوں روپے مالیت کے کپڑے چوری ہونے کا معاملہ سامنے آیا جبکہ  فیکٹری ملازم ہی اس واردات کا ماسٹر مائنڈ نکلا۔

ذرائع کے مطابق قائد انڈسٹریل سٹیٹ پولیس نے سی سی ٹی وی فوٹیج کی مدد سے 2 ملزمان کو گرفتار کیا۔

 ملزمان محمد اشرف اور عمیر اقبال ہیں، جنہوں نے فیکٹری سے 20 لاکھ سے زائد مالیت کے کپڑے چوری کیے۔

ایس پی صدر رانا حسین طاہر نے ایس ایچ او اور پولیس ٹیم کی کارکردگی کو سراہا جبکہ مقدمہ درج کر لیا گیا ہے۔

دوسری جانب لاہور میں چوریاں بڑھ رہی ہیں ۔ 

حال ہی میں  شالیمارمیں چور لیڈیز سوٹ کی دکان کا صفایا کرگئے۔ گھروں سے  لاکھوں روپے کے طلائی زیورات اور گودام سے 24 لاکھ کے سگریٹ چوری ہوگئے ۔

چور دکان سے 13لاکھ کے سوٹ چوری کرکے لے گئے۔ جبکہ شیرا کوٹ میں چور خواتین خاتون کے گھر میں داخل ہوئیں۔گھر سے لاکھوں روپے مالیت کے طلائی زیورات اور دیگر سامان لوٹ کرفرار ہوگئیں ۔ 

پولیس نے شیخ ریحانہ یوسف کی درخواست پر مقدمہ درج کرلیا۔فیکٹری ایریا،چور اشرف کے گھر سے9 لاکھ اورطلائی زیورات چوری کر کے فرار ہوئے ۔

فیکٹری ایریا،چور ڈسٹری بیوٹر ملازم سے لاکھ روپے چوری کر کے لے گیا ۔ گلبرگ ، ملزم نے مالک کی غیر موجودگی میں 20لاکھ چوری کرلئے ۔ ایف آئی آر کے مطابق ملزم غلام مرتضی نے گھر سے طلائی زیورات اور دیگر سامان چوری کرلیا۔

قلعہ گجر سنگھ میں چور گودام سے چوبیس لاکھ کے سگریٹ چوری کرکے لے گیا۔ملزم نے سگریٹ کے گودام کی ڈوپلیکیٹ چابیاں بنا رکھی تھیں۔