جنید ریاض: کورونا کیسز میں مسلسل اضافہ، سکول ایجوکیشن ڈیپارٹمنٹ نے 7 اضلاع میں غیرنصابی سرگرمیوں اور سپورٹس پر پابندی لگا دی۔

تفصیلات کے مطابق لاہور سمیت صوبہ بھر میں کورونا کے پھیلاؤ میں تیزی سے اضافہ جاری ہے۔ اس حوالے سے سکول ایجوکیشن ڈیپارٹمنٹ نے ساتھ اضلاع میں غیر نصابی سرگرمیوں اور سپورٹس گالا پر پابندی لگادی ہے۔ ذرائع کا کہنا ہے کورونا کیسز میں اضافے کی وجہ سے یہ فیصلہ کیا گیا ہے۔ 

NOTIFICATION:
Restrictions on Co-Curricular activities in the 7 Districts stated in the notification due to COVID 19. No Gala, sports activities or public gatherings. pic.twitter.com/j7NFhiUVAk

— Murad Raas (@DrMuradPTI) March 8, 2021

دوسری جانب کینٹ میں واقع گورنمنٹ خانم گرلز ہائی سکول حسین آباد کی ٹیچر کورونا سے وفات پاگئیں ہیں۔ فہمیدہ بانو ایلمنٹری سکول ٹیچر تھی۔ فہمیدہ بانو کی عمر 58 سال تھی ۔ ٹیچر کی وفات پر سکول میں خوف وہراس پھیل گیا۔محکمہ صحت نے سکول کی باقی اساتذہ و طالبات کا بھی کورونا ٹیسٹ کروانے کا حکم جاری کردیا۔

سکول ذرائع کے مطابق فہمیدہ بانو مقامی ہسپتال بیدیاں روڈ میں کئی روز سے زیر علاج تھی۔ذرائع کا کہنا ہے کہ فہمیدہ بانو کا کورونا مثبت آنے کے بعد سکول کی باقی ٹیچر بھی بخار کا شکار ہیں۔

ادھر گورنمنٹ گرلز ہائر سیکنڈری سکول کی ٹیچر کورونا کا شکارہوگئی ہے، ایجوکیشن اتھارٹی نے ٹیچر زرقاء فردوس کو قرنطینہ میں رہنے کی ہدایت کردی ہے۔  ٹیچر نے کورونا ٹیسٹ سات مارچ کو کروایا تھا، ایجوکیشن اتھارٹی نے سکول کے باقی سٹاف اور طلباء کے ٹیسٹ کیلئے محکمہ صحت کو درخواست کردی ہے جبکہ ٹیچر زرقاء فردوس کو 15 روز تک گھر رہنے کی ہدایت جاری کردی ہے۔