ویب ڈیسک : خیبر پختونخوا کے ضلع ڈیرہ اسماعیل خان میں گاڑی کھائی میں گرنے کے باعث 4 افراد جاں بحق، دو زخمی ہوگئے ۔ 

 افسوسناک حادثہ تحصیل درازندہ میں پیش آیا، جہاں کار کھائی میں جاگری، جس کی وجہ سے 4 افراد موقع پر جاں بحق ہوگئے۔ اطلاع ملتے ہی ریسکیو ٹیم جائے وقوع پر پہنچی اور آپریشن شروع کیا ۔ 

ریسکیو حکام کے مطابق جاں بحق ہونے والوں میں دو بھائی اور ایک بچہ شامل ہے۔ حادثے میں 2 افراد زخمی ہوئے، جنہیں اسپتال منتقل کر دیا گیا، زخمیوں کی حالت خطرے سے باہر ہے۔

 ریسکیو حکام نے بتایا کہ المرکلاں سے آتے ہوئے کار کو حادثہ پیش آیا۔