اویس کیانی : وزیراعظم انوار الحق کاکڑ نے سپیشل انوسمنٹ فیسیلیٹیشن کونسل کی ایپکس کمیٹی کا اجلاس طلب کر لیا ۔
اجلاس میں آرمی چیف، عسکری قیادت ،وزرائے اعلیٰ اور چیف سیکریٹریز ، وفاقی وزیر منصوبہ بندی، داخلہ ،خزانہ ،اطلاعات اور دیگر محکموں کے وزرا بھی شریک ہوں گے۔
اجلاس میں ایس آئی ایف سی کے حوالے سے اہم امور پر مشاورت ہو گی۔ ایس آئی ایف سی کی ایگزیکٹو کمیٹی اور راولپنڈی میں ہونے والے اجلاسوں کی سفارشات کل پیش کی جائیں گی۔
اجلاس میں کمیٹی ارکان سے آرمی چیف بھی خطاب کریں گے۔
اجلاس میں دوست ممالک سے آنے والی سرمایہ کاری اور دیگر معاملات پر بریفنگ دی جائے گی۔
سپیشل انوسمنٹ فیسیلیٹیشن کونسل کی ایپکس کمیٹی کے اس اجلاس میں اہم فیصلے متوقع ہیں۔