عابد چودھری:لاہور کے علاقہ مسلم ٹاؤن کی مسجد سے شہری کا لیپ ٹاپ چوری کرنے والا ملزم فاروق عرف کمانڈو گرفتار، ڈی آئی جی انویسٹی گیشن سید ذیشان رضا نے اس گھناؤنی واردات کا نوٹس لیا تھا۔
پولیس ٹیم کو فوری طور پر ملزم کو گرفتار کر کے لیپ ٹاپ برآمد کرنے کا ٹاسک دیا تھا، انچارج انویسٹی گیشن انسپکٹر نبیلہ کوثر نے پولیس ٹیم کے ہمراہ ملزم کو گرفتار کر لیا، ملزم فاروق عرف کمانڈو سے چوری شدہ لیپ ٹاپ برآمد کر لیا گیا۔
انچارج انسپکٹر مسلم ٹاؤن نبیلہ کوثر کا کہنا تھا کہ ملزم سے دیگر وارداتوں میں لاکھوں مالیت کےموبائل فونز بھی برآمد ہوئے، ملزم سابقہ ریکارڈ یافتہ ہے اور2ماہ قبل جیل سے رہا ہوا تھا۔