(سعید احمد سعید)گزشتہ کئی ماہ سے  برائلر مرغی گوشت کی قیمتوں میں اضافے کا سلسلہ جاری تھا لیکن اب گوشت کی قیمت میں کمی آنا شروع ہو گئی ہے۔

تفصیلات کے مطابق برائلر مرغی کا گوشت مزید7 روپے سستا ہو گیا ہے جس کے بعد مرغی کے گوشت کی 306 روپے  فی کلو میں فروخت جاری ہے۔زندہ برائلر203 اور پرچون ریٹ211 روپے کلو میں فروخت ہو رہا ہے جبکہ فارمی انڈے153 روپے درجن ہیں۔

 واضح رہے کہ دو تین روز سے برائلر مرغی کا ریٹ سرکاری نرخ نامہ کے مطابق  313 روپے فی کلو  فروخت ہورہا تھا تاہم اب ایک بار پھر اس کی قیمت میں سات روپے فی کلو کمی کی  گئی ہے  جس پر صارفین کی طرف سے قدرے اطمینان کا اظہار کیا گیا لیکن ساتھ ہی صارفین نےمطالبہ کیا  مرغی کے  گوشت کی قیمت مزید کم کی جائے ۔

دوسری جانب  شہری مہنگے داموں سبزیاں اور پھل خریدنے پر مجبور ہیں،شہر کی سبزی و فروٹ منڈیوں میں بھی منافع خور مافیا بے لگام ہو گیا ہے۔شہری کہتے ہیں صرف گوشت اور پھل سبزی نہیں بلکہ ہر چیز کی قیمت میں ہوشربا اضافہ ہو گیا ہے جس سے ان کی قوت خرید متاثر ہوئی ہے ۔