سٹی 42 : پاکستان پٹرولیم لمیٹڈ (پی پی ایل) کے آئی ٹی سسٹم پر خوفناک سائبر حملے کی خبر سامنے آئی ہے، کمپنی کا دو دن سے تیل و گیس کی فروخت سے متعلق سسٹم غیر فعال ہوچکا ہے۔

ذرائع کا کہنا ہے کہ ہیکرز نے سسٹم فعال کرنے کے  لئے ئے تاوان کامطالبہ کر دیا۔ کمپنی کے آئی ٹی ایکسپرٹ اور انتظامیہ کے ہیکرز کے ساتھ مذاکرات جاری ہیں۔ 

ذرائع سے معلوم ہوا ہے کہ ہیکرز نے دو دن سے کمپنی کا آئی ٹی سسٹم کو کنٹرول میں لے رکھا ہے ،  جس کی وجہ سے انتظامیہ کا پی پی ایل فنانشل امور پر کنٹرول نہیں رہا۔ دوسری جانب حکومت اور متعلقہ اداروں کو تمام صورت حال سے آگاہ کر دیا گیا ہے ، ساتھ ہی متعلقہ اداروں سے کمپنی کا سسٹم فعال کرانے کی درخواست کی گئی ہے۔ اسکے علاوہ دیگر تیل و گیس کمپنیوں کو بھی الرٹ کر دیا گیا ہے۔