لیسکو نے وزیر اعظم کی کفایت شعاری کی پالیسی نظر انداز کر دی

لیسکو نے وزیر اعظم کی کفایت شعاری کی پالیسی نظر انداز کر دی


(شاہد ندیم سپرا) لیسکو نے وزیر اعظم پاکستان کی کفایت شعاری کی پالیسی نظر انداز کر دی۔ گریڈ 17 کے افسران کے لئے کروڑوں روپے لاگت سے 75 سنگل کیبن ڈالے خرید لیے۔

یہ بھی لازمی پڑھیں:نیوز بلیٹن 3بجے 14 نومبر2018  

ذرائع کے مطابق سنگل کیبن ڈالے سب ڈویژنل دفاتر کے سپرد کیے جا رہے ہیں۔ اس سے قبل ایس ڈی اوز کو پوٹھوہار گاڑیاں فراہم کی گئی تھیں، اب پوٹھوہار گاڑیوں کو تبدیل کر کے سنگل کیبن ڈالے الاٹ کیے گئے ہیں، نئی گاڑیوں کی لاگت 16 کروڑ روپے سے زائد ہے، کمپنی نے چوہنگ کے قریب ویئر ہاؤس میں گاڑیاں پارک کر رکھی ہیں جہاں سے الاٹمنٹ لیٹر دکھا کر ایس ڈی اوز کو گاڑیاں دی جا رہی ہیں۔

ایک طرف موجودہ حکومت سرکاری اداروں سے گاڑیاں نیلام کرنے کے لئے اقدامات اٹھا رہی ہے تو دوسری جانب لیسکو نے کروڑوں روپے کی نئی گاڑیاں خرید لی ہیں۔