موٹرسائیکل کھڑی کرنے کے تنازعہ پر ہمسایوں کی اندھا دھند فائرنگ

موٹرسائیکل کھڑی کرنے کے تنازعہ پر ہمسایوں کی اندھا دھند فائرنگ


عیشہ خان:نشتر کالونی میں موٹرسائیکل کھڑی کرنے کے تنازعہ پر ہمسایوں کی اندھا دھند فائرنگ سے بیٹا جاں بحق، جبکہ والد شدید زخمی ہو گیا۔ ملزمان موقع سے فرار ہو گئے۔ موٹرسائیکل صحن میں کھڑی کرنے کے تنازع پر شروع ہونے والا معمولی جھگڑا سترہ سالہ نوجوان کی جان لے گیا۔

یہ بھی لازمی پڑھیں:بولو لاہور 20نومبر 2018    

سٹی42 کے مطابق واقعہ کے عینی شاہد اشرف کا کہنا تھا گھر کی بالائی منزل پر رہائش پذیر تین لڑکوں کو موٹرسائیکل گھر کے صحن میں کھڑی کرنے سے منع کیا تھا جس پر انھوں نے اندھا دھند گولیاں چلا دیں۔ فائرنگ کی زد میں آکر اشرف کا سترہ سالہ بیٹا و کرم جاں بحق ہو گیا جبکہ وہ گولیوں کی زد میں آکر زخمی ہو گیا۔

اس خبر کو لازمی پڑھیں:پچھلے الیکشنز میں مقدمات میں ملوث افراد کے خلاف کریک ڈاؤن کا حکم جاری

وکرم کی بہن کا کہنا تھا کہ ملزمان نے پہلے اہل خانہ کو تشدد کا نشانہ بھی بنایا اور پھر فائرنگ کر دی۔ اہل خانہ کا مطالبہ ہے کہ ملزمان کو گرفتار کیا جائے۔ پولیس نے مقتول و کرم کی لاش کو پوسٹمارٹم کیلئے مردہ خانے منتقل کر دیا ہے۔ پولیس کا کہنا ہے کہ ملزمان کو جلد گرفتار کیا جائیگا۔