ویب ڈیسک: خیبر پختونخوا میں ڈیزل کی قیمتوں میں کمی کے بعد محکمہ ٹرانسپورٹ نے صوبے بھر کے لیے ٹرانسپورٹ کا نیا کرایہ نامہ جاری کر دیا ہے۔

محکمہ ٹرانسپورٹ کے مطابق طلبہ، خصوصی افراد اور 60 سال سے زائد عمر کے مسافروں کے لیے 50 فیصد کرایہ رعایت برقرار رکھی گئی ہے۔ پشاور سے کوہاٹ فلائنگ کوچ اور منی بس کا کرایہ 177 روپے جبکہ پشاور سے بنوں کا کرایہ 530 روپے مقرر کیا گیا ہے۔ پشاور سے ڈی آئی خان کا کرایہ 870 روپے اور پشاور سے ہری پور کا کرایہ 424 روپے ہوگا۔

اسی طرح پشاور سے ایبٹ آباد فلائنگ کوچ اور منی بس کا کرایہ 530 روپے، پشاور سے مردان کا کرایہ 158 روپے جبکہ پشاور سے سوات کا کرایہ 468 روپے مقرر کیا گیا ہے۔ پشاور سے چترال کا کرایہ 993 روپے ہوگا۔ موٹر وے کے ذریعے پشاور سے مردان کا کرایہ 316 روپے جبکہ پشاور سے ایبٹ آباد کا کرایہ 419 روپے مقرر کیا گیا ہے۔

محکمہ ٹرانسپورٹ نے ہدایت کی ہے کہ تمام ٹرانسپورٹرز نئے کرایہ نامے پر عمل درآمد کو یقینی بنائیں جبکہ زائد کرایہ وصول کرنے کی صورت میں کارروائی کی جائے گی۔