ویب ڈیسک : سندھ میں پیٹرول پمپ مافیاز کےخلاف کریک ڈاؤن کرتے ہوئے کم مقدار پر پٹرول دینے پر پمپس کے ڈسپینسرز کو سیل کردیا گیا ۔ 

پٹرول خریدنے والے شہریوں کو چوری سے بچانے کے لیے پیٹرول اور ڈیزل کی کم مقدار دینے والے پمپس کےخلاف کریک ڈاؤن کا آغاز کردیا گیا۔ وزیراعلیٰ سندھ مراد علی شاہ کے معاون خصوصی عثمان ہنگورو نے افسران کے ہمراہ مختلف علاقوں میں 12 یٹرول پمپس پر چھاپے مارے، جہاں شہریوں کو فروخت کیے جانے والے پٹرل کی درست مقدار کو چیک کیا گیا ۔ 

مہران ٹاؤن میں کم مقدار میں پیٹرول دینے پر ایک پیٹرول پمپ کو سیل کردیا گیا، اس کے علاوہ صدر، آرام باغ، سول لائنز، گزری، ڈیفنس اور کورنگی انڈسٹریل ایریا میں بھی پٹرول پمپس کی چیکنگ کی گئی۔ شاہین کمپلیکس پر کم مقدار پر پٹرول دینے پر پیٹرول پمپ کے 2 ڈسپینسرز کو سیل کیا گیا، شارع فیصل پر قائم پٹرول پمپ بھی کم مقدار دینے والوں میں شامل ہے ۔