گلبرگ (سٹی42 نیوز) پاکستان کی سپر سٹار اداکارہ ماہرہ خان پانچ سال کے طویل عرصے بعد ٹی وی سکرین پر دوبارہ چھا گئی ہیں، ہم کا میگا سیریل ہم کہاں کے سچے تھے کی دسویں قسط کو یوٹیوب پر صرف 12 گھنٹوں میں 25 لاکھ کے قریب بار دیکھا جا چکا ہے، جبکہ نویں قسط کو 60 لاکھ سے زائد افراد دیکھ چکے ہیں۔
نویں قسط میں رائٹر نے ناظرین کو مشعل ' کبریٰ خان ' کی موت کے ساتھ سب سے بڑا سرپرائز دیا تھا، جس کے بعد مہرین یعنی ماہرہ خان جیل پہنچ چکی ہیں، اس ڈرامے کے ذریعے ماہرہ خان پانچ سال کے طویل عرصے بعد ٹی وی سکرین پر دوبارہ جلوہ گر ہوئی ہیں، اداکار عثمان مختار، کبریٰ خان، ہارون شاہد، شمیم ہلالی، زینب قیوم، ہما نواب، لیلیٰ واستی، عمیر رانا اور دیگراداکار اہم کردار کر رہے ہیں، مشہور لکھاری عمیرا احمد کے لکھے گئے ڈرامے'ہم کہاں کے سچے تھے' ماہرہ خان مرکزی کردار ادا کر رہی ہیں۔
سوشل میڈیا پر ٹرینڈز کے ذریعے ماہرہ خان کے کام کو بہت سراہا جا رہا ہے، ان کے نئے ڈرامے کے کلپس و تصاویر سوشل میڈیا پر شیئر کیے جا رہے ہیں، ماہرہ اور اداکارہ کبریٰ خان کو ایک ساتھ دکھائی دینے پر بھی مداحوں کا مثبت رد عمل آرہا ہے، دونوں اداکاراؤں کے مداحوں نے ڈرامے میں اپنے پسندیدہ مناظر کو ویڈیوز اور تصاویر کے ذریعے ٹائم لائنز پر شیئر کیا ہے، عمیرہ احمد کے لکھے گئے ڈرامے کو مومنہ درید نے پروڈیوس کیا ہے جبکہ ڈائریکشن فاروق رند نے دی ہے۔