عابد چودھری:غوثیہ پارک ٹمبر مارکیٹ میں جوتے بنانے والی فیکٹری میں اچانک آگ بھڑک اٹھی، جس کے بعد ریسکیو فائر فائٹرز آگ پر قابو پانے کے لیے کارروائیوں میں مصروف ہیں۔

ریسکیو حکام کے مطابق فائر آپریشن میں ریسکیو کی 12 گاڑیاں اور 40 ریسکیورز حصہ لے رہے ہیں، جبکہ آگ کو مزید پھیلنے سے روکنے کے لیے بھرپور کوششیں جاری ہیں۔

حکام کا کہنا ہے کہ فائر فائٹرز موقع پر موجود ہیں اور آگ بجھانے کا عمل جاری ہے۔ فوری طور پر آتشزدگی کی وجوہات اور نقصان کی تفصیلات سامنے نہیں آ سکیں۔