سٹی42: شہر کے مختلف علاقوں میں بارش کا سلسلہ جاری ہے، جس کے باعث موسم خوشگوار ہو گیا جبکہ کئی نشیبی علاقوں میں پانی جمع ہونے سے شہریوں کو مشکلات کا سامنا ہے۔
ہربنس پورہ اور گردونواح میں موسلادھار بارش ریکارڈ کی گئی، جس کے بعد علاقے جل تھل ہو گئے۔ بارش کے پانی کے باعث سڑکوں اور گلیوں میں پانی جمع ہو گیا۔
شہریوں کے مطابق نکاسی آب کے مناسب انتظامات نہ ہونے کے باعث بعض علاقوں میں آمدورفت متاثر ہوئی ہے۔
دوسری جانب متعلقہ اداروں نے بارش کے بعد صورتحال کو معمول پر لانے کے لیے نکاسی آب کے اقدامات شروع کر دیے ہیں۔