ویب ڈیسک: لاہور پولیس میں بڑی انتظامی پیش رفت, 524 اسسٹنٹ سب انسپکٹرز (اے ایس آئیز) کو ان کے عہدوں پر باقاعدہ طور پر کنفرم کر دیا گیا ہے۔

 ترجمان لاہور پولیس کے مطابق کنفرمیشن کے احکامات جاری کر دیے گئے ہیں۔ ان اے ایس آئیز کا تعلق لاہور پولیس کے مختلف ونگز سے ہے۔
بقایا 800 سے زائد اے ایس آئیز کی کنفرمیشن کے حوالے سے ڈی آئی جی ایڈمن کی منظوری کے بعد جلد احکامات جاری کیے جائیں گے۔
ڈی آئی جی ایڈمن عمران کشور کی زیر صدارت پروموشن بورڈ کا انعقاد ہوا۔
اجلاس میں ایس ایس پی ڈسپلن محمد کاشف اسلم، ایس ایس پی لیگل غلام حسین چوہان اور اسسٹنٹ ڈائریکٹر محمد نوید شریک ہوئے۔