(عمران یونس) مری اور پنجاب کے دیگر سیاحتی مقامات سے متعلق راہنمائی اور شکایات کیلئے پنجاب ٹورازم سکواڈ ہیلپ لائن 1421 کا آغاز کر دیا گیا۔

مری اور پنجاب کے دیگر سیاحتی مقامات سے متعلق راہنمائی اور شکایات کیلئے پنجاب ٹورازم سکواڈ ہیلپ لائن 1421 کا آغاز کر دیا گیا۔ مری جانے والے سیاح ایمرجنسی کی صورت میں کال کر کے مدد لے سکیں گے۔ ہیلپ لائن پنجاب آئی ٹی بورڈ اور محکمہ سیاحت پنجاب کے اشتراک سے وضع کی گئی ہے ۔

ارفع کریم آئی ئنٹی ٹاور میں منعقدہ تقریب میں سیکرٹری سیاحت پنجاب احسان بھٹہ ‘ڈپٹی کنٹرولر محکمہ سیاحت حافظ غضنفر‘ڈائریکٹر جنرل پی آئی ٹی بی ساجد لطیف و دیگر افسران شریک ہوئے۔ سیکرٹری سیاحت پنجاب احسان بھٹہ نے بتایا کہ عنقریبب مری میں 106 رکنی خصوصی ٹورسٹ سکواڈ بھی لانچ کیا جائے گا جس میں خواتین بھی شامل ہوں گی۔ڈائریکٹر جنرل پی آئی ٹی بی ساجد لطیف نے کہا کہ پی آئی ٹی بی نے ہیلپ لائن کے حوالے سے متعلقہ محکموں کو ضروری ٹریننگ فراہم کر دی ہے۔