ویب ڈیسک:بھارتیہ جنتا پارٹی کے رکن پارلیمنٹ کی جنسی ہراسانی کے خلاف احتجاج کرنے والی ریسلر لڑکیوں پر دہلی پولیس کا تشدد دیکھ کر بھارت رو پڑا، راہول گاندھی اور درجنوں ممتاز شخصیا ت وزیر داخلہ اور پولیس پر تنقید کرنے پر مجبور ہو گئیں لیکن بھارتیہ جنتا پارٹی کی مرکزی حکومت اپنے رکن پارلیمنٹ اور ریسلنگ فیڈریشن کے صدر برج بھوشن کو گرفتار کرنے پر اب بھی آمادہ نہیں۔
جنتر منتر پارک میں انڈین ریسلنگ فیڈریشن کے جنسی ہراسانی میں ملوث صدراور رکن پارلیمنٹ شرن بھوشن کے خلاف احتجاج کے لئے بیٹھی ہوئی لڑکیوں پر پولیس نے تشدد کیا تھا جس سے دو لڑکیاں زخمی ہو گئی تھیں۔ پولیس کے ساتھ لڑکیوں کی مڈبھیڑ کے بعد نیوز کانفرنس میں ونیش پھوگٹ نےکیمروں کے سامنے روتے ہوئے کہا تھا کہ پولیس خواتین کو دھکے دے رہی ہے، اگر ہمیں مارنا ہے تو ایسے ہی مار دو۔کیا ہم اسی دن کیلئے بھارت کیلئے میڈل لائے تھے تو میں چاہوں گی کہ آئندہ کوئی بھارت کے لیے میڈل نہ لائے۔ ونیش پھوگٹ کی وڈیو نیوز چینلز پر نشر ہوتے ہی بھارت بھر میں غصہ کی لہر دوڑ گئی اور سوشل میڈیا پر ہزاروں لوگ ریسلر لڑکیوں کے احتجاج میں شریک ہو گئے۔ اس وڈیو پر اپنے ردعمل میں کانگرس کے راہنما راہول گاندھی نے کہا کہ بھارتیہ جنتا پارٹی کا "بیٹی بچاو" نعرہ جھوٹ ہے۔ پولیس کا ملک کی کھلاڑی بچیوں کے ساتھ ایسا سلوک شرم ناک ہے۔ونیش پھوگٹ اور ساکشی ملک کی وڈیو اپنے ٹویٹر پر شئیر کرتے ہوئے راہول گاندھی نے کہا کہ بھارتیہ جنتا پارٹی بھارت کی بیٹیوں پر تشدد کرتے ہوئے کبھی نہیں شرماتی۔
देश के खिलाड़ियों के साथ ऐसा बर्ताव बहुत ही शर्मनाक है।
— Rahul Gandhi (@RahulGandhi) May 4, 2023
‘बेटी बचाओ' बस ढोंग है! असल में भाजपा भारत की बेटियों पर अत्याचार करने से कभी पीछे नहीं हटी है। pic.twitter.com/TRgPyM8UbF
اداکارہ گوہر خان نے ہراسانی کے مجرم سیاستدان کے خلاف احتجاج کرنے والی لڑکیوں کے ساتھ دہلی پولیس کی بدسلوکی کے واقعہ کی وڈیو شئیر کرتے ہوئے کہا کہ اگر اس واقعہ سے آپ کا دل نہیں ٹوٹا تو آپ غالبا؍؍ مردہ ہیں۔ ان اتھیلیٹ لڑکیوں نے بھارت کو دنیا میں عزت دلوائی اور ان کے ساتھ ایسی بدسلوکی کی گئی، وہ انصاف کے لئے جدوجہد کر رہی ہیں، ان کی بپتا کو سنا جائے۔
If this doesn’t break ur heart , then ure probably a non living thing . These athletes have brought india pride on international levels , n they are being manhandled, sad !!!!! They are fighting for justice , pls listen to their plight ! #indianwrestlers #pride https://t.co/ErHuizxyuE
— Gauahar Khan (@GAUAHAR_KHAN) May 4, 2023
برج بھوشن کی ہراسانی کا شکار ریسلر لڑکیوں کے احتجاج میں بھارت کی اپوزیشن جماعت کانگریس کی مرکزی رہنما سونیا گاندھی اور ٹینس اسٹار ثانیہ مرزا نے بھی شرکت کر کے پولیس سے برج بھوشن کے خلاف مقدمات کی منصفانہ تحقیقات کرنے کا مطالبہ کیا تھا۔ ریسلر لڑکیوں کا کہنا ہے کہ وہ اس وقت تک جنتر منتر کی احتجاج گاہ سے نہیں ہٹیں گی جب تک برج بھوشن کو جیل نہیں بھیج دیا جاتا۔
بھارتی ریسلنگ فیڈریشن کے صدر اور بی جے پی کے رکن اسمبلی پر خواتین کھلاڑیوں کو ہراساں کرنے کے7 الزامات ک ہیں۔ اس کے خلاف دہلی پولیس مقدمے تو درج کر چکی ہے لیکن سپریم کورٹ کے حکم کے باوجود تحقیقات میں ٹال مٹول اورر جانبداری کر رہی ہے۔ ریسلر لڑکیوں کی جانب سے کئی روز سے پولیس کے جانبدارانہ اور بے حسی پر مبنی رویہ کے خلاف احتجاج کیا جا رہا تھا، کل رات پولیس کے تشدد میں اس احتجاج پر غصہ کا عنصر بھی نمایاں تھا۔سنگین الزامات کے باوجود بھوشن شرن سنگھ نے مستعفی ہونے سے انکار کر دیا ہے۔