ویب ڈیسک:سعودی عرب نے پاکستان کو تیل فراہمی کیلئے متبادل روٹ دینے کی یقین دہانی کرا دی۔وفاقی وزیر پیٹرولیم علی پرویز ملک نےسعودی سفیر نواف سعید المالکی سے ملاقات کی، سعودی سفیر نے ملاقات کے دوران وفاقی وزیر کو پاکستان کو تیل فراہمی کیلئے متبادل روٹ دینے کی یقین دہانی کرائی۔
اس موقع پر علی پرویز ملک کا کہنا تھا کہ سعودی عرب نے بندرگاہ یانبو کے ذریعے سپلائی کی سیکیورٹی کی یقین دہانی کرائی ہے، پاکستان کی سپورٹ پر سعودی عرب کے شکرگزار ہیں ، امید ہے کہ بندرگاہ یانبو سے تیل کی سپلائی میں پاکستان کو ترجیح دی جائے گی۔
وفاقی وزیر پیٹرولیم نے مزیدکہا کہ پاکستان کی بیشتر پیٹرولیم سپلائی آبنائے ہرمز کے راستے آتی ہے، ان حالات میں سعودی عرب کی حمایت پاکستان کے لیے انتہائی اہمیت کی حامل ہے۔
علی پرویز ملک نے بتایا کہ پاکستان کیلئے خام تیل اٹھانے کیلئے ایک جہاز کو یانبو روانہ کرنے کی بھی حامی بھر لی گئی ۔
سعودی سفیر نواف سعید المالکی نے اس موقع پرکہا کہ کسی بھی ہنگامی ضرورت کے پیش نظر پاکستان کے ساتھ بھرپور تعاون جاری رکھیں گے، پاکستان اور سعودی عرب آزمائش کی گھڑی میں ایک دوسرے کے شانہ بشانہ کھڑے رہیں گے۔