سٹی 42 : (روجھان) کچے میں پولیس کی جانب سے ڈاکوؤں کے خلاف انٹیلی جنس بیسڈ آپریشن کیا گیا ہے، جس کے دوران تین ڈاکو زخمی ہوگئے۔
ڈی پی او محمد عمران کے مطابق آپریشن کے دوران پولیس کی فائرنگ سے لونڈ گینگ کا سرغنہ شاہ دین لونڈ ہلاک ہوگیا۔ انہوں نے بتایا کہ ہلاک ڈاکو قتل ،اغوا اور ڈکیتی کے درجنوں مقدمات میں مطلوب تھا ۔
ترجمان کے مطابق پولیس کی بھاری نفری لونڈ گینگ کے ٹھکانوں میں داخل ہوئی، پولیس کی فائرنگ سے 3 ڈاکو زخمی، ڈاکو زخمیوں سمیت فرار ہوگئے۔
پولیس کی جانب سے فرار ڈاکوؤں کا تعاقب جاری ہے ۔