ویب ڈیسک : پاکستان اسٹاک ایکسچینج  میں  آج کاروبار کا  ریکارڈ ساز دن رہا، 100 انڈیکس 4 دن میں 4 ہزار 858  پوائنٹس بڑھا ہے۔

100 انڈیکس ایک ہزار 226 پوائنٹس اضافے کے بعد ایک لاکھ 52 ہزار 201 پر بند ہوا ہے، یہ کاروبار کے اختتام پر انڈیکس کی بلند ترین سطح ہے۔آج کاروبار کے دوران ایک موقع پر انڈیکس نے ایک لاکھ 52  ہزار 805 کی اپنی نئی بلند ترین سطح بھی بنائی ہے۔بازار میں آج ایک ارب 4 کروڑ شیئرز کے سودے ہوئے۔ شیئربازارمیں مسلسل 4 روز سے ایک  ارب سے زائد  شیئرز کا کام ہو رہا ہے۔

آج ہوئے کاروبار کی مالیت 51  ارب روپے  رہی  جب کہ  مارکیٹ کیپٹلائزیشن 108 ارب روپے بڑھ کر 17 ہزار 963  ارب روپے ہوگئی ہے۔  مارکیٹ کیپٹلائزیشن 427 ارب روپے بڑھی ہے۔ مارکیٹ کیپٹلائزیشن  پونے 64  ارب ڈالر ہوگئی ہے۔