ویب ڈیسک: آسٹریلیا کے سابق کپتان رکی پونٹنگ دل میں تکلیف کے باعث اسپتال میں کچھ دیر علاج کرانے کے بعد واپس کرکٹ گراؤنڈ پہنچ گئے۔

آسٹریلیا اور ویسٹ انڈیز کے درمیان ٹیسٹ میچ کے چوتھے روز گراؤنڈ سے ہی رکی پونٹنگ نے اپنی طبیعت سے متعلق لوگوں کو آگاہ کیا تھا۔اب گراؤنڈ میں واپس پہنچنے اور کمنٹری کا آغاز کرنے پر رکی پونٹنگ نے کہا کہ 'کل کافی لوگ گھبراگئے تھے، سچ بتاؤں تو میں بھی ڈر گیا تھا، وہ خوفزدہ کردینے والا لمحہ تھا'۔

انہوں نے کہا کہ 'کمنٹری باکس میں کل مجھے سینے میں دو مرتبہ درد محسوس ہوا جس کے 10 سے 15 منٹ بعد میں اسپتال میں تھا جہاں میرا بہترین علاج کیا گیا، آج بہت اچھا محسوس کر رہا ہوں'۔

"I mentioned to JL who was commentating with me that I'd had these pains in my chest ... 10 or 15 minutes later I was in the hospital getting the best treatment I possibly could."

- @RickyPonting talks about his last 24 hours pic.twitter.com/GnW8OADghg

— 7Cricket (@7Cricket) December 3, 2022

اس موقع پر رکی پونٹنگ نے مضحکہ خیز انداز میں کہا کہ 'کل برا یہ ہوا کہ میں کرکٹ نہیں دیکھ سکا، میں نے ٹیسٹ کا بہترین حصہ مس کردیا'۔انہوں نے کہا کہ 'جسٹن لینگر میرے ساتھ کمنٹری کر رہے تھے ، میں نے سینے میں درد کا انہیں بتایا اور پھر انہوں نے  میرا خیال رکھا، دس پندرہ منٹ کے بعد میں اسپتال تھا جہاں ہر ممکن بہترین ٹریٹمنٹ کی گئی'۔