بابر شہزاد ترک: الیکشن کمیشن آف پاکستان نے آئندہ الیکشن کو شفاف بنانے کے لئے سرکاری ملازمین کے تبادلوں کے حوالے سے پوزیشن کی وضاحت جاری کر دی ہے۔

الیکشن کمیشن نے کچھ عرصہ پہلے صوبوں میں  تین سال سےزائدعرصہ سے  تعینات گریڈ 17سے گریڈ 22کے افسران جو مختلف Occupational گروپس سے تعلق رکھتے ہیں  اور جن کی صوبوں میں مدت ملازمت تین سال سے زیادہ ہو چکی ہیں ان کو واپس وفاق بلانے کی ہدایت کی تھی ۔

اسی طرح سیکرٹری داخلہ کو بھی ہدایت دی گئی تھی  کہ وہ ممبرز سی ڈی اے جو  باہر سے تعینات ہیں ان کوبھی  Repatriateکیا جائے ۔  وہ ممبران   جو  سی ڈی اے  کے Regular employees ہیں ان کی  بھی Reshuffling  کی جائے   تاکہ آنے والے عام انتخابات میں  غیر جانبداری کو یقینی بنایا جا سکے ۔

الیکشن کمیشن سیکرٹریٹ میں  آج اس حوالے سے  میٹنگ  ہوئی  جس میں  سیکرٹری داخلہ اور سیکرٹری Establishment   نے بریفنگ دیتے ہوئے بتایا  کہ سیکرٹریٹ ، OMGاور دوسرے  Occupational  گروپس سے تعلق رکھنے والے 14 افسران سندھ سے ٹرانسفر کر دیئے گئے ہیں جن کی مدت ملازمت  تین سال سے زائد ہو چکی تھی ۔

اسی طرح  صوبہ پنجاب سے دس افسران کا تبادلہ کر دیا گیا ہے ۔ جبکہ خیبر پختونخوا  اور بلوچستان میں فی الحال ایسے کوئی افسران تعینات نہیں ہیں  جن کی مدت ملازمت  تین سال سے زائد ہو ۔ سیکرٹری Establishment نے بتایا  کہ چند ممبران کو  تبدیل یا Repatriate  کر دیا  گیا ہے ۔ باقی ممبرز یعنی Environment ، Admn، Planning  کے تبادلوں  کے لئے بھی   وزرات داخلہ نے  سمریاں بھیجوا دی  ہیں ۔ دونوں سیکرٹریز کو ہدایت دی گئی کہ تین دن میں تمام  تبادلے  کر کے  Compliance Report  ارسال کی جائے ۔

الیکشن کمیشن کا کہنا ہے کہ الیکشن کمیشن نے باقاعدہ سیکرٹری اسٹیبلشمنٹ ڈویژن اور سیکرٹری داخلہ کو بلا کر بریفنگ لی اور پھر یہ پریس ریلیز جاری کیا۔ 

گزشتہ روز اتوار کو چھٹی کے دن اسٹیبلشمنٹ ڈویژن کے دفاتر کھلے رہے تھے اور 14 افسران کو صوبوں سے بلانے کے نوٹیفکیشن جاری ہوئے تھے  کیونکہ آج پیر کے روز الیکشن کمیشن نے سیکرٹری اسٹیبلشمنٹ ڈویژن کوبلا رکھا تھا ۔